2018 гъэм накъыгъэм и 19-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Тырныауз къалэм и Георгиевскэ члисэм. Щоджэн нэхъыщхьэм къулыкъур драгъэкIуэкIащ: Налшык члисэ округым и екIуэлIапIэхэм я благочиннэ щоджэн нэхъыжь Бобылев Валентин, члисэм и унафэщI иеромонах Игорь (Васильев), Бахъсэн къалэм и Покров члисэм и унафэщI щоджэн Байзулаев Василий, къардэн нэхъыжь Кубэ Димитрий. Пастыр нэхъыщхьэм щIыгъуу Тхьэ елъэIуну къызэхуэсащ члисэм екIуалIэхэмрэ къалэм щыпсэухэмрэ.
Литургие нэужьым щихънагъым фIэщхъуныгъэ зиIэхэм узэщIыныгъэкIэ захуигъэзащ. ИужькIэ пастыр нэхъыщхьэм тхьэлъэIу иригъэкIуэкIащ члисэм и япэ унафэщIу щыта щоджэн Розин Игорь и кхъащхьэм деж.
А махуэм и пщыхьэщхьэм архиепископ Феофилакт тхьэлъэIу щригъэкIуэкIащ Псыхуабэ и Спасскэ кафедральнэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ члисэ зэхуэхьэсам и клирикхэм. Пастыр нэхъыщхьэр тхьэмахуэ Инджылым къеджащ икIи фIэщхъуныгъэ зиIэхэм гъэнэхуа дагъэм щыщ ялъигъэIэсащ.