2018 гъэм накъыгъэм и 18-м Зеленчукскэ районым и къэзакъ зэгухьэныгъэм и отчет-хэхыныгъэ лъэхъэнэр щекIуэкIащ. Атаман Федоров Владимир и отчетым едэIуа нэужь, зэхыхьэм хэтхэм зэгурыIуауэ къащтащ лэжьыгъэр къызэрехъулIар. Атаманым и отчетым хыхьэу блэкIа илъэсым и къэхъугъэм къищынэмыщIауэ, утыку къыщрихьащ илъэситхум къриубыдэу къэхъуа зэхъуэкIыныгъэхэр. Куэд зэфIахами, иджыри къапэщылъыр нэхъыбэжщ.
Владимир и лэжьыгъэм зэрехъулIар къыхагъэщащ Зеленчукскэ муниципальнэ районым и администрацэм и Iэтащхьэ Самоходкин Сергей, Ипщэ Къэрэшей-Шэрджэс члисэ округым и екIуэлIапIэхэм я благочиннэ щоджэн нэхъыжь Субтельный Евгений, Кубань къэзакъыдзэм и атаманым и дэIэпыкъуэгъу подъесаул Лысов Виталий, ККВ-м и Баталпашинскэ къудамэм и атаман полковник Бородкин Виктор, Зеленчукскэ районым и станицэхэм, къуажэхэм я зэгухьэныгъэхэм я атаманхэр. Районым и зэгухьэныгъэм и правленэм хэтхэм зэдэарэзыуэ хахыжащ Федоров Владимир.