Быйыл апрель айны 26-да Пятигорскеде "Огонь Вечной славы" деген мемориалны 1-чи номерли Постунда къуанч халда призывникни Кюнюн белгиледиле. Митингге махтаулу къонакъла, Уллу Ата Джурт къазауатны ветеранлары, аскерчиле, ветеранланы советини солдат аналаны комитетини , джамагъат организацияла бла администрацияны келечилери, призывникле, шахар школланы сохталары студентле да къошулгъан эдиле. Джыйылгъанлагъа кеслерини алгъыш сезлерин Пятигорске бла Лермонтов шахарланы аскер комссары полковник Гусоев Валерий бла Лермонтов бла Пятигорск шахарланы башчыларыны орунбасарлары эмда башха сыйлы къонакъла да айтдыла. Пятигорске бла Черкесск епархияны атындан призывниклени, Аскер кючле бла джорукъ сакълагъан органла бла байламлылыкъ джюрютген епархия белюмню тамадасы протоирей Сорокин Константин алгъышлады.