Тхьэм и Анэм и «Скоропослушница» тхьэнапэм и цIэр зезыхьэ Чристэн сабий гъэсапIэм тхьэмахуэ нэхум, Кисловодск и Крестовоздвиженскэ члисэм и тхьэмахуэ школым IутIыж зэхыхьэхэр щрагъэкIуэкIащ. Сабийхэм жаIащ IутIыжым теухуа усэхэр, уэрэдхэр, теплъэгъуэхэр къагъэлъэгъуащ. Члисэм и унафэщI щоджэн нэхъыжь Лиманов Гермоген артист ныбжьыщIэхэм саугъэтхэр иратащ. Тхьэмахуэ нэхум Новопавловск къалэм узыншагъэр щрагъэфIакIуэ и «Заря» центрым махуэшхуэ зэхыхьэ щрагъэкIуэкIащ, Христос ЛIахэм КъазэрыхэтэджыкIыжам теухуауэ. Центрым и гъэсэнхэм концерт программэ утыку кърахьащ. Центрым и гъэсэнхэмрэ и лэжьакIуэхэмрэ IутIыж НэхумкIэ ехъуэхъуащ Новопавлоск члисэ округым и екIуэлIапIэхэм я благочиннэ щоджэн Цапко Владиславрэ Тхьэм и Анэм и Владимирскэ тхьэнапэм и цIэр зезыхьэ члисэм и унафэщI щоджэн нэхъыжь Назаров Дионисийрэ. Щоджэныр сабийхэм ехъуэхъуащ Христос и фIэщхъуныгъэм тетыну икIи лэжьакIуэхэм зэфIаххэм папщIэ фIыщIэ
яхуищIащ. Сабийхэм IэфIыкIэхэр тыгъэ хуащIащ.
Илъэс зыбжанэ хъуауэ Зеленчукскэ станицэм и «Колобок» сабий садым «Вербочка» гупыр щолажьэ. Абы и унафэщIщ сабий садым и методист Даниловэ Ольгэ. IутIыж сабий махуэшхуэм гупым къэкIуащ Тхьэм папщIэ бэлыхь куэд зрагъэшэча Тирон Феодор и цIэр зезыхьэ щоджэн Касмицкий Алексий, Зеленчукскэ станицэм и къэзакъ зэгухьэныгъэм и штабым и унафэщI икIи атаман Дранников Сергейрэ Коломейцев Евгенийрэ. Ахэр сабийхэм ехъуэхъуащ икIи IутIыж саугъэтхэр иратащ.
Новоблагодарнэ къуажэм и сабий сад №9-м и гъэсэнхэм ирагъэблэгъащ Покров члисэм и унафэщI щоджэн нэхъыжь Углов Александр. Сабийхэм Христос ЛIахэм КъазэрыхэтэджыкIыжам и махуэшхуэ Нэхум ирихьэлIэу я IэрыкIхэр ягъэхьэзыращ. Сабийхэм я лэжьыгъэхэм хуабагъэрэ дахагъэрэ ящIэлът икIи ахэр псоми ягу дыхьащ.
«Святая Пасха» зэпеуэ-фестивалым кърикIуахэр сабий творчествэмкIэ Минераловодскэ унэм щызэхалъхьэжащ тхьэмахуэ Нэхум ирихьэлIэу. УнэтIыныгъихым утыку къыщрахьащ къалэ округым и школ псоми я лэжьыгъэхэр.
КъэпщытакIуэ гупым хагъэхьащ къалэм и Никольскэ члисэм и унафэщI щоджэн Чемодуров Кирилл. Ар къызэхуэсахэм Христос ЛIахэм КъазэрыхэтэджыкIыжа махуэшхуэмкIэ ехъуэхъуащ икIи щIыхь тхылъхэр зылъагъэсахэм яритыжащ. Языныкъуэ лэжьыгъэхэр щагъэлъэгъуэнущ Минераловодскэ къалэ округым и Iыхьэм.
Тхьэмахуэ нэхум и гуфIэгъуэ махуэхэм Кардоникскэ станицэм и Покров члисэм и унафэщI щоджэн Бураков Димитрий Христос ЛIахэм КъазэрыхэтэджыкIыжамкIэ хъуэхъуащ жьы хъуахэмрэ ныкъуэдыкъуэхэмрэ я унэ- интернатым щыIэхэм. Щоджэным абы щыпсэухэмрэ и лэжьакIуэхэмрэ тыгъэ яхуищIащ IутIыж саугъэтхэр.
Верэ, Надеждэ, Любовь, абыхэм я анэ Софие и цIэр зезыхьэу Суворовскэ станицэм щыIэм IутIыж сабий зэхыхьэр щрагъэкIуэкIащ. Тхьэмахуэ школым и гъэсэнхэм Инджыл темэр зи лъабжьэ теплъэгъуэр утыку кърахьащ, IутIыжымрэ гъатхэмрэ ятеухуа усэхэм къеджащ. IутIыж уэрэдхэр жаIащ. Члисэм и унафэщI щоджэн нэхъыжь Иванилов Роман фIэхъус ярихащ икIи фIыщIэ яхуищIащ сабийхэм, егъэджакIуэхэм, адэ-анэхэм. Абы къыбгъэдэкIыу дэтхэнэ зы сабийми IутIыж саугъэт иратащ.
ЕссэнтIыгу къалэм и Никольскэ члисэ зэхуэхьэсам и тхьэмахуэ школым и гъэсэнхэм «Iутыж гуфIэгъуэ» концертыр ятащ адэ-анэхэмрэ екIуэлIапIэм кIуэхэмрэ папщIэ. Махуэшхуэм утыку къыщрахьащ школым и гъэсэнхэм ягъэзащIэ уэрэдхэмрэ усэхэмрэ. Концерт нэужьым члисэм и унафэщI щоджэн нэхъыжь Агеев Павел ныбжьыщIэхэмрэ егъэджакIуэхэмрэ фIыщIэ яхуищIащ концертым папщIэ икIи IэфIыкIэхэр иратащ.
А махуэм Кисловодск къалэм и Никольскэ члисэ зэхуэхьэсам и щоджэнархимандрит Димитрий (Гливенкэ) и цIэр зезыхьэ тхьэмахуэ школым и гъэсэнхэр Чристэн гимназием и пэш гъэдэхам щызэхуэсащ, ЛIахэм къахэтэджыкIыжа Христос ягъэлъэпIэн папщIэ. Сабийхэм я концертым еплъыну къызэхуэсащ адэ-анэхэр, адэшхуэ-анэшхуэхэр, сабий цIыкIухэр.
Тхьэмахуэ школым и егъэджакIуэ щоджэн нэхъыжь Чеканов Димитрий махуэшхуэр зэрырагъэжьамкIэ хъуэхъуащ икIи псоми зэгъусэу жаIащ IутIыж тропарыр. Тхьэмахуэ школым и унафэщIым и къуэдзэ Синявская Татьянэ и унафэм щIэту тхьэмахуэ школым и гъэсэнхэм ягъэхьэзыращ Христос ЛIахэм къазэрыхэтэджыкIыжам теухуа усэхэм. Артист ныбжьыщIэхэм ягъэзэщIащ IутIыжым теухуа уэрэдхэр. ПэщIэдзэ классым щагъэхьэзыр классым щеджэхэм, Игнатенкэ Еленэ и унафэм щIэту уэрэдхэр жаIащ, усэ къеджащ, Христос ЛIахэм къазэрыхэтэджыкIыжам теухуауэ. Сабийхэр зэпеуэ зэмылIэужьыгъуэхэм хэтащ, къуажэхьхэр къащIащ. Концерт нэужьым егъэджакIуэр псоми ехъуэхъуащ икIи зэхыхьэм хэтхэр абы Iэнэм иригъэблэгъащ.
Тхьэмахуэ нэхум ЕссэнтIыгу къалэм и Пантелеимоновскэ члисэм и унафэщI щоджэн Журавлёв Михаил щыIащ сабий сад №35-м и гъэсэнхэм я деж. Абы ныбжьыщIэхэмрэ лэжьакIуэхэмрэ Христос ЛIахэм къазэрыхэтэджыкIыжа махуэшхуэмкIэ ехъуэхъуащ икIи куличхэмрэ джэдыкIэ лахэмрэ яритащ. ныбжьыщIэхэм щоджэным тыгъэ яхуищIащ фIыгъуэ къызыпэкIуэ мафIэр икIи абы яхутепсэлъыхьащ.
Щихъ Саровский Серафим и цIэр зезыхьэ члисэм и тхьэмахуэ школ Пятигорскэ къуажэм дэтым сабийхэм я махуэшхуэ щрагъэкIуэкIащ. гуп нэхъыщIэм щIэс сабийхэм махуэшхуэ концерт къызэрагъэпэщащ. Абы усэхэмрэ уэрэдхэмрэ щыжаIащ, Христос ЛIахэм къазэрыхэтэджыкIыжам теухуауэ. Гъэсэн нэхъыжьхэм къагъэлъэгъуащ «Гуси-Лебеди» таурыхъым къытращIыкIа спектаклыр. Зэхыхьэр щиухым псори шей ефащ.
Железноводск и Ольгинскэ члисэм и тхьэмахуэ школым и гъэсэнхэм теплъэгъуитI утыку кърахьащ. Христос ЛIахэм КъазэрыхэтэджыкIыжам траухуащ гуащэ спектаклымрэ фэилъхьэгъуэхэр щагъэлъагъуэ теплъэгъуэмрэ. Махуэшхуэм и пэ къихуэу сабийхэмрэ абыхэм я адэ-анэхэмрэ фIэхъус ярихащ члисэм и унафэщI щоджэн нэхъыжь Самохин Михаил. Члисэм и щоджэн Переверзов Роман артист ныбжьыщIэхэм IэфIыкIэхэр яритащ.