2018 гъэм мэлыжьыхьым и 15-м, IутIыжым и етIуанэ тхьэмахуэм, Фомэ теухуам, Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Псыхуабэ и Михайловскэ члисэ зэхуэхьэсам. Щоджэн нэхъыщхьэм къулыкъур драгъэкIуэкIащ КИФЩI-м и къалащхьэм и щоджэнхэм благочиннэ щоджэн нэхъыжь Дубинский Борис я пашэу. Къардэн къулыкъур иригъэкIуэкIащ къардэн нэхъыжь Кубэ Димитрий. Пастыр нэхъыщхьэм и гъусэу Тхьэ елъэIуну къызэхуэсащ псыхуабэдэсхэмрэ зыгъэпсэхупIэм и хьэщIэхэмрэ. ХъыбарыфIхэр зэрыт тхылъ лъапIэм къеджа нэужь, фIэщхъуныгъэ зиIэхэм абы узэщIыныгъэкIэ захуигъэзащ.
ИужькIэ архиепископ Феофилакт иригъэкIуэкIащ къалэпсо IутIыж зэгъусэ тхьэлъэIур. Михайловскэ члисэ зэхуэхьэсам щегъэжьауэ, Кировэ проспектымкIэ ирикIуэу Спасскэ кафедральнэ члисэ зэхуэхьэсам нэсыхункIэ, щоджэнхэмрэ къалэм и члисэхэм фIэщхъуныгъэ зиIэ псори махуэшхуэ уэзджынэм щIэту, хоругвхэмрэ IутIыж уэрэдхэмрэ жаIэу ирикIуащ. А маршрутыр IутIыж зэгъусэ тхьэлъэIум ирихьэлIэу революцэм и пэ зэманым щыщIэдзауэ ирагъэкIуэкI. IутIыж зэгъусэ тхьэлъэIур КИФЩI-м и къалащхьэм хабзэ дахэ щыхъуащ, Псыхуабэ епархиер зэрызэфIагъэувэжрэ ирагъэжьэжар.
Спасскэ члисэ зэхуэхьэсам и дэкIуеипIэхэм щихънагъым къызэхуэсахэм хъуэхъукIэ защыхуигъэзащ.