2018 гъэм мэлыжьыхьым и 7-м, Щэбэт Иным, Тхьэм и Анэм и Благовещения махуэшхуэм, Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Минводы къалэм и Благовещенскэ члисэм. Щоджэн нэхъыщхьэм къулыкъур драгъэкIуэкIащ Минераловодскэ члисэ округым и щоджэнхэм благочиннэ, щоджэн нэхъыжь Панасенкэ Алексий я пашэу. Къардэн къулыкъур иригъэкIуэкIащ къардэн нэхъыжь Кубэ Димитрий. Пастыр нэхъыщхьэм къыIущIащ къэзакъхэр, тхьэмахуэ школым и сабийхэр. Щихънагъ нэхъыщхьэм и гъусэу тхьэлъэIум хэтыну къызэхуэсащ Минводы щыпсэухэр.
Архиепископ Феофилакт члисэм и щоджэн Шныров Александр камилавкэр зрихьэну хуит ищIащ. ХъыбарыфIхэр зэрыт тхылъ лъапIэм къеджа нэужь, фIэщхъуныгъэ зиIэхэм узэщIыныгъэкIэ захуигъэзащ. Литургие, зэгъусэ тхьэлъэIу нэужьым, Пастыр нэхъыщхьэм, сабийхэм я гъусэу, тхьэрыкъуэ хужьхэр уафэгум ириутIыпщхьащ. Махуэшхуэр и кIэм щынэблагъэм, зэгъусэу сурэт зытрагъэхащ.