2018 гъэм мэлыжьыхьым и 2-м, Кисловодск щыщыIам, УФ-м и Федеральнэ Зэхуэсым ФедерацэмкIэ и Советым и УнафэщI Матвиенкэ Валентинэ къалэм и Пантелеимоновскэ члисэм зыщиплъыхьащ.
ХьэщIэ лъапIэр иригъэблэгъащ Псыхуабэ, Черкесск щIыналъэхэм я архиепископ Феофилакт. Пастыр нэхъыщхьэм Валентинэ хигъэгъуэзащ ухуэныгъэм, къалэ-зыгъэпсэхупIэм хуащI гулъытэм папщIэ фIыщIэ яхуищIащ, чристэн лъапIэныгъэхэр къызэрагъэщIэрэщIэжыр. ФедерацэмкIэ Советым и УнафэщIыр журналистхэм щепсалъэм къыхигъэщащ архитектурэр зэрытелъыджэр, Шаляпин Фёдор иухуа, Солженицын Александр умэхъын щащIа члисэм тхыдэ мыхьэнэ зэриIэр. Ухуэныгъэм ехьэлIа лэжьыгъэ нэхъыщхьэхэр 2018 гъэм фокIадэм и 1 пщIондэ зэфIахыну я мурадщ.
Архиепископ Феофилакт къыхилъхьащ къагъэщIэрэщIэжа члисэм музей къыщызэIуахыну. Ар теухуауэ щытынущ XIX - ХХ лIэщIыгъуэм и Пантелеимоновскэ члисэм и тхыдэм. Матвиенкэ Валентинэ къыщыкIуам, Пастыр нэхъыщхьэм Патриаршэ медалыр тыгъэ хуищIащ Ставрополь крайм ФедерацэмкIэ Советым хэт Афанасов Михаил, Патриаршествэр зэрызэфIагъэувэжрэ илъэси 100 зэрырикъум папщIэ. Пастыр нэхъыщхьэм къыхигъэщащ члисэр къэгъэщIэрэщIэжыным теухуа лэжьыгъэ ин Попечительскэ советым зэрыригъэкIуэкIыр. Советым и пашэщ Кисловодск къалэм и Iэтащхьэ Курбатов Александр.