2018 гъэм гъатхэпэм и 27-м ЕссэнтIыгу станицэм и Успенскэ члисэм ЕссэнтIыгу члисэ округым и екIуэлIапIэхэм я щоджэнхэм щрагъэжьащ гуэныхьхэр Iуэтэжын. Щоджэнхэм Тхьэм и Анэм и каноным деж уэрэд щыжаIащ, округым Псыхуабэ, Черкесск щIыналъэхэм я щихънагъ Феофилакт и арэзыныгъэкIэ къагъэIэпхъуам. ИужькIэ щоджэнхэр Кемеровэ къалэм щыхэкIуэдахэм папщIэ тхьэлъэIу ирагъэкIуэкIащ.
Гуэныхьхэр яIуэтэжа, тхьэлъэIухэр ирагъэкIуэкIа нэужь ахэр тепсэлъыхьащ екIуэлIапIэхэм я гъащIэм. Округым и благочиннэ щоджэн нэхъыжь Еланцев Сергий гу лъаригъэтащ екIуэлIапIэм и щIалэгъуалэр епархием и зэхыхьэхэм нэхъ жыджэру хэтын зэрыхуейм.
А махуэм Петропавловскэ члисэм щрагъэкIуэкIащ Новопавловскэ члисэ округым гуэныхьхэр Iуэтэжыным и щэхухэр. НэщIыр гуэныхьхэр щаIуэтэж, тхьэ щелъэIу пIалъэщ. Ар гум и уIэгъэр щагъэхъуж зэманщ. Ар ягу къигъэкIыжащ Новопавловск округым и щоджэн нэхъыжь Тарнакин Александр. Абы щоджэнхэр къыхуриджащ лIыгъэ яхэлъу къэнэжа тхьэмахуэ нэхур ирахьэкIыну. Щоджэнхэр Тхьэ елъэIуащ Кемеровэ къалэм къыщыхъуа мафIэсым хэкIуэдахэм папщIэ. НэщI иным и ебланэ тхьэмахуэм и блыщхьэм Зеленчукскэ станицэм и Петропавловскэ члисэм и Ипщэ Къэрэшей-Шэрджэс члисэ округым и щоджэн нэхъыжь Тарнакин Александр округым и члисэхэм я щоджэнхэм гуэныхьхэр иригъэIуэтэжащ.
Гуэныхьхэр яIуэтэжа нэужь щоджэнхэр Тхьэ елъэIуащ Кемеровэ къалэм къыщыхъуа мафIэсым хэкIуэдахэм папщIэ. ИужькIэ Тхьэм папщIэ бэлыхь куэд зрагъэшэча, Верейск и щихънагъ Илларион и цIэр зезыхьэ тхьэмахуэ школым и пэшым щоджэнхэм я зэIущIэ щрагъэкIуэкIащ. ЗэIущIэм хыхьэу округым и благочиннэ щоджэн нэхъыжь Субтельный Евгений щоджэнхэр хигъэгъуэзащ Епархием и советым и унафэм. Зэхуэсым щызэхалъхьэжащ Чристэн тхылъым и махуэр округым зэрыщызэхалъхьэжам кърикIуахэм. ИрагъэкIуэкIа зэIущIэхэм теухуа доклад ищIащ Зеленчукскэ станицэм и Петропавловскэ члисэм и щоджэн Гурин Александр. Благочиннэм ягу къигъэкIыжащ щоджэнхэм «Чристэн унагъуэ» зэпеуэм и Положенэр. Ар Псыхуабэ епархием гъэ къэс къыщызэрагъэпэщ, архиепископ Феофилакт и арэзыныгъэкIэ.