2018 гъэм гъатхэпэм и 29-м Псыхуабэ, Черкесск щIыналъэхэм я щихънагъ Феофилакт хэтащ Урыс Чристэн Члисэм и Межсоборнэ Присутствием члисэ узэщIыныгъэмкIэ и комиссэм и лэжьыгъэм. Абы и лэжьыгъэр иригъэкIуэкIащ унафэщI, Минскрэ Заславскрэ я митрополит Павел. ЗэIущIэм хыхьэу комиссэм хэтхэр тепсэлъыхьащ Урысейм и лъэпкъхэм я къалэнхэм, абыхэм я пастыр лэжьыгъэр зи нэIэ щIэтыныр, Умэхъын щIыным теухуа упщIэхэм, нэгъуэщIхэми. Апхуэдэу Комиссэм и лэжьыгъэм теухуа докладхэм едэIуащ. Я лъэпкъыцIэр къагъэнэжу умэхъын щIыным лъэпкъ куэдым я дежкIэ мыхьэнэ иIэщ, алыдж, куржы диаспорэхэр щыпсэу Псыхуабэ епархиери абы хыхьэу.
***
Межсоборнэ Присутствиер – Члисэ органщ, 2009 гъэм щIышылэм и 27-28- хэм Урыс Чристэн Члисэм и Поместнэ Члисэ зэхуэхьэсам и унафэхэр игъэзэщIэн папщIэ.
Синод ЛъапIэм 2009 гъэм гъатхэпэм и 31-м иригъэкIуэкIа зэIущIэм къыщызэригъэпэщащ Урыс Чристэн Члисэм и Межсоборнэ Присутствие къыхэхынымкIэ комиссэ. Москварэ Урысей псомрэ я Патриархыр зи унафэщI комиссэмрэ абы ипкъ иткIэ къызэрагъэпэща лэжьакIуэ гупымрэ ягъэхьэзыращ Урыс Чристэн Члисэм и Межсоборнэ Присутствием и Положенэм и проект, абыхэм я бжыгъэр, къыщаIэтыну Iуэхугъуэм, лэжьыгъэхэм я планыр убзыхуным теухуауэ къыхалъхьа жэрдэмхэр. Синод ЛъапIэм и зэIущIэм, 2009 гъэм мэкъуауэгъуэм и 27- м Киев щызэхэтам Урыс чристэн Члисэм и Межсоборнэ Присутствием и Положенэр къыщащтащ, а органым хэтынухэмрэ и президиумымрэ щыхахащ, нэгъуэщI Iуэхугъуэхэми щытепсэлъыхьащ.
Синод ЛъапIэм иубзыхуащ Межсоборнэ Присутствием мы упщIэхэр къыщаIэтыну: богословием, члисэ управленэм, тхьэлъэIухэм, члисэ гъуазджэм, члисэ хабзэм, екIуэлIапIэм и гъащIэмрэ екIуэлIапIэм и практикэмрэ, члисэ псапащIэм, къулъшырыфхэмрэ монаххэмрэ я гъащIэр къызэгъэпэщыным, духовнэ егъэджэныгъэм, дин узэщIыныгъэм, члисэ социальнэ Iуэху, псапэ лэжьыным, члисэ гъащIэм теухуа нэгъуэщI Iуэхугъуэхэми.
ЗэIущIэм апхуэдэу къыщащтащ Межсоборнэ Присутствием и президиумым махуэгъэпс иубзыхуну, абы хэтхэм я лэжьыгъэм ехьэлIауэ, зэIущIэм къыщаIэтыну Iуэхугъуэхэм Межсоборнэ Присутствиер хэплъэн папщIэ къагъэлъэгъуэну, Межсоборнэ Присутствием и эксперт советым хэтхэр Синод ЛъапIэм хуагъэлъэгъуэну унафэ къащтащ. КъыкIэлъыкIуэ илъэсибгъум къриубыдэу Межсоборнэ Присутствиер хэплъащ икIи Архиерей Члисэ зэхуэхьэсам и пащхьэм ирихьащ Члисэ гъащIэм теухуа упщIэхэр, дэтхэнэ зыми ехьэлIа эксперт гупсысэхэр, тхылъхэм я проектхэр щIыгъуу. А проектхэм мызэ-мытIэу щоджэнхэр тепсэлъыхьащ Урыс Чристэн члисэм и къызэрыгуэкI цIыхухэри къызэщIиубыдэу.