Етген кюнледе Пятигорскени технологияла бла сервисни эмда сатыу-алыу техникумуну Ессентюкде филиалыны студентлери, адет болуб бошагъан «Пост для души» деген тюбешиуге джыйылдыла. Сыйлы Четыредесятницаны магъанасындан джаш адамлагъа Ессентюк шахарда Раббийни Анасыны Къазан иконасыны клисасыны тамадасы протоирей Сахно Андрей хапар айтды. Бу окъуу заведенияныджаш шапалары филиалны тамадасы Сорокина Ольганы башчылыгъы бла эмда окъутхан усталаны болушлугъу бла конкурсха 50 чырсыз хантны теджедиле. 2-3 кусланы студентлери Хоменко Снежана, Передирий Виктор бла Носенко Инна аллай хантланы этерге юретген мастер-классла кергюздюле, ол хантланы хар бир христианлы да кесини оразасында юйюнде биширге боллукъду. Ала, джуанакъладан, кегетледен этилген тюрлю-
тюрлю салатладыла. Мастер классдан сора чырсыз хантланы конкурсун бардырдыла. Анда 1-чи орунну («Восточные сладости») деген ханты бла Хоменко Снежана, 2-чи орунну да («Корабль вегетарианских суши») деген ханты бла Алиев Глеб, 3-чю орунну да («Нежные капустные котлеты») деген ханты бла Носенко Инна алдыла. Ечлю орунну алалмагъанла да къуру къалмадыла, алагъа да грамотала да саугъала да бердиле. Джаш шапаланы конкурсха теджеген хантларына, устазла бла «Club de Chance» деген ессентюк филиалыны тамдасы Шипулина Ирина багъа берди, ол джыл сайын бардырылгъан «Пост для души» деген тюбешиуле биринчи къалай къуралыб башлагъанындан хапар айтды.