Быйыл март айны 5-де Къабарты-Малкъарны Майский шахарында «Солнечный городок» деген Сабий творчество академияны филиалыны къуанч ачылыуу болуб етдю.Филиалны мекямы 404 квадрат метрди, Майскийни арасында оналыбды. Окъуу кабинетле 374 квадрат метрни аладыла. Республиканы Башчысы Коков Юрий чертгенден, Сабий творчество академиняны филиалы ачылгъаны, джаш адамланы не тюрлю джаны бла айнытыугъа уллу юлюш къошарыкъды. Къабарты-Малкъарны Правительствосуну Председателини орунбасары-билим бериу бла илмуну эмда джаш телюню ишлерини хакъындан министири Емузова Нина чертгенден, Майскийде филиал «Солнечный городок» деген сабий творчество акдемияда болгъан бютеу затыны бир концепциясыны къурамында ишлерикди. « Ата-бабаларыбызны ашхы ишлерин, сынамларын сабийлеге сингдириу, башха динлени келечилерини арасында шохлукъну сингдириу- ма олду керти кавказлыны шарты! Бу аралыкъ керти да тюз кавказ халини сингдириу эмда бизни сабийлеге тюз билим бериу джер боллукъду. Аллах мында ишлегенле бла бери келген сабийлеге саулукъ берсин, му къураргъа тюз оноу этгенлери ючюн Республиканы Башчысы бла аны командасына уллу разылыкъ билдиреме!» деб айтхан эди ачылыугъа къошулгъан Пятигорске бла Черкесскени архиепископу Феофилакт. Бу учрежденияда бусагъатхы заманны излемлерине кере инфраструктура къуралгъанды, ол къошакъ билим берген Робо бла IT сабий технопаркны прграммаларын хайырландырыргъа уллу себеблик этерикди.Аны бла бирге шахмат клуб, «Феникс» деген вокал студия, арт- студия эмда проект- иш аралыкъ да ишлерикдиле. Былайда былайда мекямланы эркинликлери авиомоделирование лаборатория ачаргъа мадар береди. Бу филиалгъа Майский муниципал районну 300 сабийи джюрюрюкдю.