2018 гъэм мазаем и 21-м Черкесск и Никольскэ члисэ зэхуэхьэсам и тхьэмахуэ школым и зи чэзу конференцыр. Мы зэм ар траухуащ Баталпашинскэ станицэм и щоджэн нэхъыжь Тернов Лев дунейм зэрехыжрэ илъэс 80 зэрырикъум. Лев станицэм и Покров члисэм и щоджэну 1913-1924 гъэхэм щытащ, Никольскэ члисэ зэхуэхьэсам 1925-1927 гъэхэм а къулыкъу дыдэр щрихьэкIащ. Щоджэныр апхуэдэу Краснодаррэ ТIуIэпсырэ щылэжьащ. 1938 гъэм мазаем и 21-м ар Краснодар щыхэкIуэдащ.
Конференцэм хэтащ щоджэн нэхъыжь Тернов Лев, Черкесск къиIэпхъукIыу Самарэ къэIэпхъуа Светличновэ Тамарэ. Епархием щихъхэр канон щIынымкIэ и комиссэм и секретарь щоджэн Гурин Александр, Баталпашинскэ къалэм и къэзакъ зэгухьэныгъэм и атаман Скорых Олег, атаманым и дэIэпыкъуэгъу полковник Дейдименкэ Игорь сымэ.
ВОС-м и хьэщIэхэр, къалэ интернатым и лIыкIуэхэр, ухуэныгъэмрэ электроэнергетикэмкIэ институтым, Свято-Сергиевскэ гимназием и еджакIуэхэр, Черкесск къалэм и школ №6-м я гъэсэнхэр, къэзакъхэр конференцэм щызэхуэсащ. Лэжьыгъэр щрагъажьэм щоджэн нэхъыжь Лев тхьэлъэIу иригъэкIуэкIащ. И адэшхуэм теухуа гукъэкIыжхэр къиIуэтэжащ Светличновэ Тамарэ. Щоджэн нэхъыжь Леврэ Баталпашинскэ станицэм и нэгъуэщI щоджэнхэмрэ тепсэлъыхьащ щоджэн Гурин Александр. "Казачество станицы Баталпашинской в XX веке" докладыр ищIащ атаманым и дэIэпыкъуэгъу Дейдименкэ Игорь. Конференцэм хэтхэм ирагъэлъэгъуащ «Архыз-24» телеканалым «Тхыдэм и напэкIуэцIхэр» и циклым щыщу Баталпашинскэ станицэм къэзакъхэм я тхыдэм теухуа и документальнэ фильмыр. Сюжетым тепсэлъыхьащ Баталпашинскэ
къалэм и къэзакъ зэгухьэныгъэм и атаман Скорых Олег. Конференцым хэтхэм я пащхьэм зыкъыщагъэлъэгъуащ Свято-Сергиевскэ гимназием и гъэсэнхэм. Ахэр усэ къеджащ Урыс Члисэм Тхьэм папщIэ бэлыхь куэд зрагъэшэча, гуэныхьхэр зрагъэIуэтэжа и щихъхэм ятеухуауэ. Зэхыхьэр щиухым уэрэдхэр жаIащ Черкесск къалэм и къэзакъ школ №6-м и ныбжьыщIэхэм. Конференцэм цIыхуи 100-м щIигъу зэхуишэсащ. Никольскэ члисэ зэхуэхьэсам и хьэщIэ ныбжьыщIэхэм Псыхуабэ, Черкесск щIыналъэхэм я щихънагъ Феофилакт къалэм и тхыдэм теухуауэ къыбгъэдэкI тхылъхэр яритащ.