Мы махуэхэм Къэрэшей-Шэрджэсым и къалащхьэм щекIуэкIащ гъунапкъэхъумэхэм я ныбжьэгъухэм я ебланэ зэхуэсыр. Свято-Сергиевскэ гимназием и «Гъунапкъэхъумэ ныбжьыщIэ» гупым и еплIанэ классым и кадетхэмрэ Черкесск къалэм и курыт еджапIэхэм я 7-10 классхэм я гъэсэнхэмрэ я зэхуэсым. КъэпщытакIуэхэм хэтащ икIи хьэщIэ лъапIэ хъуащ гъунапкъэхъумэхэмрэ Черкесск и мэрием и лIыкIуэхэмрэ. Къэрэшей-Шэрджэс республикэм и Iэгъуэблагъэм къэрал гъунапкъэр хуозэ. «Урысейм и къунапкъэм и кIыхьагъыр экваторым и инагъым щIегъу. Апхуэдэ къэрал иным хъумакIуэ нэсхэр иIэн хуейщ. Си гугъэщ а къалэным фIыуэ щIэблэр пэлъэщыну. Абы папщIэ узыншагъэ быдэ, къару, хахуагъэ уиIэн хуейщ. А унэтIыныгъэм япэ лъэбакъуэхэр хэтчащ, гъунапкъэхъумэхэм я ныбжьэгъухэм я зэхуэс къызэдгъэпэщри», - яжриIащ кадет ныбжьыщIэхэм гъунапкъэхъумэ IуэхущIапIэм и ветеран, япэ рангым и капитан Лайпанов Руслан зэхуэсыр къыщызэIуихым.