Быйыл февраль айны 12-де Дин къуллукъ бошалгъандан сора бютеу клиса устазла, джарыкъ бергенле Василий Великий, Богослов Григорий, Златоустский Иоанны Собор кюнюнде, Преградна стансени Кирилло-Мефодий клисасында приход джыйылыу болуб етдю. Литургия бошалгъандан сора, Патчахлы страстотерпецлени сыйына аталгъан христиан дин школну хору джырлагъандан сора , Къарачай-Черкесияда Къыбла клиса округну джуаблы динчиси протоирей Субтельный Евгенийни башчылыгъы бла приходланы динчилери, просвитер хиротония этилгенли 15 джыл толгъаны бла клисаны тамадасы иерей Соловьев Алексийни алгъышладыла. Андан сора джуаблы православ динчи, Приход джыйылыуну борчларындан джыйылгъанлагъа хапар айтды. Етген 2017-чи джыл Приход советни этген ишинден клисаны тамадасы иерей Соловьев Алексий доклад этди. Ол, приходну социал эимда билим бериу ишинден кесгин айтыб эмда Приходну джыйылыууна, приход активни ишини планын келир джылгъа бегитирге кереклисин да чертди. Докладны эсеби бла, аны кибик казначей бла финанс-ревизия комиссияны тамадасыны отчетлары бла , Приход советни 2017-чи джыл этген ишин хайырлыгъа санадыла. Джыйылыудан сора клисаны тамадасы клисагъа джюрюген джамагъатны эм абадан къауумуна саугъала да бериб клиса тийрени айбатлыгъын сакълаб тургъанлары ючюн да разылыгъын билдирди.