2018 гъэм мазаем и 2-м Кисловодск къалэ-зыгъэпсэхупIэм и Никольскэ члисэ зэхуэхьэсам Кисловодск члисэ округым и щоджэнхэм я зэIущIэ щекIуэкIащ. Зэхуэсым и пэ къихуэу щоджэнхэр, Свято-Никольскэ чристэн классикэ гимназием и еджакIуэхэмрэ егъэджакIуэхэмрэ тхьэлъэIу щрагъэкIуэкIащ «Благодатная» тхьэнапэм деж. Псыхуабэ, Черкесск щIыналъэхэм я щихънагъ Феофилакт и арэзыныгъэкIэ, теплъэр мазаем и 11 пщIондэ Никольскэ члисэ зэхуэхьэсам щыIэнущ. Зэхыхьэм хэтхэм иратащ Тхьэм и Анэм и «Благодатная» тхьэнапэр. ТхьэлъэIу нэужьым щоджэнхэр щызэхуэсащ благочинием и административнэ ухуэныгъэм, екIуэлIапIэм и гъащIэм, тхьэлъэIухэм ехьэлIа Iуэху зэIумыбзхэм тепсэлъыхьын папщIэ. Зэхуэсыр иригъэкIуэкIащ Кисловодск члисэ округым и благочиннэ щоджэн нэхъыжь Знаменский Иоанн. Нэхъыщхьэу зи гугъу
ящIар Урыс Чристэн Члисэм и Щоджэн нэхъыщхьэм и Члисэ Зэхуэхьэсам и зэхуэсхэу щэкIуэгъуэм и 29-м – дыгъэгъазэм и 2-м къыщащта тхылъхэм хэплъэнырт. Гулъытэ нэхъыбэ хуащIащ «О канонических аспектах церковного брака» тхылъым. Абы къыщыпсэлъащ благочинием и щоджэн нэхъыжь Лиманов Гермоген.
Кисловодск округым и лIыкIуэхэр "Нравственные ценности и будущее человечества" XXVI Дунейпсо Хъуромэ егъэджэныгъэ къеджэныгъэхэм зэрыхэтам тепсэлъыхьащ благочиннэр. Благочиннэм егъэджэныгъэмкIэ и дэIэпыкъуэгъу щоджэн нэ хъыжь Моничев Димитрий ягу къигъэкIыжащ щоджэнхэр адэ-анэхэм я
зэIущIэхэм зэрыхэтын хуейр, «Дин щэнхабзэм и лъабжьэмрэ къызэрыгуэкI дуней тетыкIэмрэ» дерсыр къыщыхахкIэ. Адэ-анэхэм къагурыгъэIуэн хуейщ дерсыр диным теухуа къудейуэ зэрыщымытыр, атIэ еджакIуэхэр тхыдэм, щэнхабзэм, хабзэм нэхъ куууэ зэрыхишэр.
Благочинием щоджэнхэм къалэн ящищIащ зэпеуэ къэблагъэхэм жыджэру хэтыну, Урыс Чристэн Члисэм иригъэкIуэкIхэм: грант цIыкIухэм я «Доброволец- 2018», егъэджакIуэхэм папщIэ «За нравственный подвиг учителя», «Серафимовский учитель» урысейпсо зэхьэзэхуэхэм, щихъхэм зэрахьа лIыгъэр художественнэ тхыгъэхэм къызэрыхэщым ехьэлIа зэпеуэм.
КъищынэмыщIауэ, «Как организовать службу добровольцев: учебник для начинающих» тхылъыщIэм яхутепсэлъыхьащ. Ар къыдигъэкIащ члисэ псапэ щIэнымрэ социальнэ къулыкъухэмкIэ и синод къудамэм. Абы щызэхуэхьэсащ чэнджэщ зэмылIэужьыгъуэхэр. Щоджэнхэм я зэIущIэм къыщыпсэлъащ благочиннэм щIалэгъуалэм ядэлэжьэнымкIэ и дэIэпыкъуэгъу Луконосовэ Мария. Псыхуабэ епархием и ЩIалэгъуалэ совет щIышылэм и 30-м екIуэкIа зэIущIэм къыщащта унафэхэм ар къытеувыIащ. Апхуэдэу ар тепсэлъыхьащ Кисловодск щIышылэм и 14-м щекIуэкIа щIалэгъуалэ Хъуромэ балым. Зэхыхьэм хэтхэр къытеувыIащ къапэщылъ Iуэхугъуэхэм: Кисловодск и Пантеимоновскэ члисэм Петербургская Ксение теухуа махуэшхуэр зэрыщагъэлъэпIэнум, иеросхимонах Стефан (Игнатенко) дунейм щехыжа махуэм ягу къызэрагъэкIыжынум, чристэн щIалэгъуалэм я махуэр зэрагъэлъэпIэнум.