Быйыл январь айны 27-де Грузиягъа окъуу-билим джайгъан абустол дараджалы Нина шыйыхны эсгериу кюн, Нарсана курорт-шахарда бу шыйыхны сыйына аталыб ишлене тургъан клисаны къатында православ адетдеча дин къуллукъ этилди. Анга Нарсана благиячинияны динчилерини духовниги шахарда Крестовоздвиженский клисаны тамадасы протоирей Лиманов Гермоген башчылыкъ этди. Анга дин къуллукъ болушлукъну, Никольский клисаны клириги протоирей Попов Евгений бла Георгий тиширыу монастырны клисасыны штат динчиси иерей Янковский Давид этдиле. Ол дин къуллукъда ишлене тургъан клисаны ктитору Лобжанидзе Павел бла курорт шахарны джамагъаты бла къонакълары да табын этдиле. Православ адетдеча дин зикирден сора протоирей Лиманов Гермоген табын этерге келген джамагъатха багъышлау сезюн айтды. Православ динчи Пятигорске бла Черкесскени архиепископу Феофилактны атындан разылыкъ айтыб, Нина шыйыхнфы эсгериу кюн бла барын да алгъышлады. Андан сора келген джамагъат Нина шыйыхны къачын бай этдиле. Православ динчиле келген джамагъатха нюр салыннган елей джауну джагъыб эмда нюр салыннган сууну да бюркдюле.Батарейный къаяны къатында шахар больницадан узакъ болмай Нина шыйыхны сыйына аталыб ишленник клисаны биринчи ташын 2016-чы джыл ноябрны 19-да салгъандыла. Клиса суаблыкъ этгенлени ачхаларына ишленеди.