Преградна станседе джаш къазакъланы къаууму стансе атаман Кондратов Алексейни башчылыгъы бла , стансеге кирген джерде Уруп сууда кепюрден узакъ болмай адамла кириб джуунурча джер ишлегендиле. Православ джамагъатха таблыкъ болурча, ала джунчумай суукъ суугъа кемюолюб чыгъарча агъачдан табхыт ишлегендиле, суугъа кирген джерге да салам тешегендиле. Атаманны юч бийчеси Кондратова Юлия джаш къазакъ тиширыула бла бирге байрамгъа деб гокгаладан ариу затла этиб болгъанны джасагъандыла. Сууугъа нюр салгъан православ адетни станседе Кирилломефодий клисаны тамадасы иерей Соловьев Алексей этген эди. Исправна станседе Михаилоархангельский клисаны джамагъаты , стансе къазакъ джамагъатны башчылыгъы бла Уллу Зеленчюк суугъа дери къачлы джюрюш бла бардыла, алайда клисаны
тамадасы иерей Якушев Валександр суугъа Уллу нюр салгъан адетни этди. Стансени администрацияны башчысы Брыкина Марина бла стансе къазакъ джамагъатны болушлугъу бла сууну джагъасын ариу джарашдыргъандыла, суугъа кемюлюб чыгъаргъа излегенлеге таб болурча. Алайдан узакъ болмай да тешиниб кийнирча джерле ишленнгендиле, Барына исси чай ичире эдиле.
Уллу Зеленчюк суугъа къачлы джюрюш бла Зеленчюк стансени джамагъаты да баргъанды. Хар джыл сайын да стансени администрациясы бла къазакъ джамагъатны кючю бла сууну сол джагъасында джаяу кепюрню къатында крещен купель ишленеди. Стансечиле суудан суу алыргъа мадар табадыла, мадары болгъан суугъа кириб да чыгъады. Къачлы джюрюшге байрам кюн Зеленчюк къазакъ джамагъатны келечилери башчылыкъ этдиле. Суугъа нюр салгъан адетни Къарачай-Черкесияда Къыбла клиса округну приходларыны джуаблы динчиси протоирей Субтельный Евгений этди.