Озгъан кюнледе Пятигорскеде Спасс клисаны Христиан дин школуну сохталары Гфманны "Щелкунчик и Мышиный король", деген таурухуну тамалында салыннган "Зачарованное Рождество" деген спектаклни къайтарыб кергюздюле. Анга къараргъа сабий юйледе тургъан эмда саулукъларында къыяулары болгъан сабийле келген эдиле. Спектаклден сора Спасс клисаны клириги иерей Зегнун Владимир сабийлени алгъышлаб татлы саугъала да берди. Эсге салсакъ, бу спектаклни премьерасы Рождество Христова кюн болгъанды. Постановканы клиса къуллукъчула бла клисагъа келиучю джамагъатха кергюзген эдиле. Спектаклден сора клисаны тамадасы иерей
Мовчанов Дмитрий Аллахны раззылыгъын тилеб, Пятигорске бла Черкесскени архиепископу Феофилакт ийген алгъышны да окъуду. Спектаклде, Спасс клисаны Христиан дин школуну сабий архиерейли хору бла театр белюмюню сабийлери эмда юлгюлю «Эдельвейс» деген тебсеу ансамбль аны тышында чакъырылгъанла Алферов Никита бла Орлова Елана ойнагъандыла. Режиссер-постановщиги Соцкая Кристинады. Светни суратчысы бла звукорежиссеру да Артемий Амирджанян.