Быйыл январь айны 14-де Пятигорске бла Черкесскени архиепископу Феофилакт , Обрезание Господня деген байрамда Пятигорскени Спасс клисасында Дин къуллукъ бардырды. Архиерейге дин къуллукъ болушлукъну клисаны клириклери этдиле. Литургияда, регент Куба Анна башчылыкъ этген архиерейли хор джырлады. Архипастырь бла бирге табын этерге Пятигорскени джамагъаты бла курорт шахарны къонакълары да келген эдиле. Инджилни окъугъандан сора Сыйлы Китабны магъанасын ачыкълай Владыка джыйылгъанлагъа ауаз берди. Дин къуллукъ бошалгъандан сора, клисагъа келген джамагъат бла Спасс клисаны Джаш телю аралагъында ушакъ бардырылды. Ол кюн огъунакъ архиепископ Феофилакт, Джаш телю Рождество тойгъа келген къонакъланы багъышлады: « Джашлыкъ- ол тири ишлени заманыды.Ол фундаментди ,
джылла бла къабыргъаланы ауурлугъун келтюрюб турад»,-деб айтхан эди Архипастырь. Ол джаш адамлагъа ашхылыкъла теджеген эди. Шахарны официал сайты билдиргеннге кере Нарсанада гуманитар-техника институтунда, Шимал Кавказ федерал округну баш окъуу берген заведенияларыны студентлери, крайны джаш телю бла джамагъат организацияларыны членлери ариу кийимлеге кийиниб, экиджюз джылны мындан алгъа уллу сыйылары болгъан, вальсда тегерек айлана, мазурка,котильон бла контрданс деген тебсеулени да юренгендиле. Классика тебсеулени лагъымларын юренирге бу тойну къурагъанла юретирге болушхандыла. Бу къуанчны сыйлы къонакъларыны арасында Ставрополь крайны Думасыны депутаты Торосян Аркадий бла Нарсана курорт-шахарны билим берген управленияны тамадасы Бутин Юрий да бар эдиле. Бу къуанч программа эки тебсеу белюмден къуралгъанды, фант оюн бла джарыкъ кезбаулукъ шоудан.Къызла бла джашла кезбаулукъну усталарыны репертуарларындан сейирлик затлагъа бек сюйюб къарадыла. Ол белюмлени арасында солуу заманда , рождество открыткала этиу бла къозучукъла тюрсюнлю имбирь печенияланы джасау интерактив площадкала ишлей эдиле. Бу тойну Нарсна шахарны администрациясы бла бирлешиб Пятигорск епархияны «Сретение» деген джаш телю аралыгъы къурагъанды.