2018 гъэм дыгъэгъазэм и 9-м Псыхуабэ, Черкесск щIыналъэхэм я щихънагъ Феофилакт тхьэлъэIу литургие щригъэкIуэкIащ Псыхуабэ епархием и Иверскэ члисэм. Щоджэным къулыкъур драгъэкIуэкIащ къардэн Ендовицкий Сергий. Пастыр нэхъыщхьэм щIыгъуу Тхьэ елъэIуну къызэхуэсащ къалэм дэсхэр, епархием и управленэм и лэжьакIуэхэр. ТхьэлъэIу нэужьым Щихънагъым фIэщхъуныгъэ зиIэхэм узэщIыныгъэкIэ захуигъэзащ. А махуэм и пщыхьэщхьэм щихънагъ Феофилакт махуэшхуэ пщыхьэщхьэ литургиер Псыхуабэ и Спасскэ кафедральнэ члисэ зэхуэхьэсам щригъэкIуэкIащ.
Щоджэным къулыкъур драгъэкIуэкIащ Епархием и советым хэтхэм, члисэ округхэм я благочиннэхэм, епархием и къудамэхэм я унафэщIхэм. ТхьэлъэIу уэрэдхэр ягъэзэщIащ члисэ зэхуэхьэсам и хор регент Кубэ Аннэ зэригъакIуэм. Апхуэдэу тхьэлъэIум хэтащ Ставрополь и духовнэ семинарием и хор Чукарин Даниил зэригъакIуэм щыщхэр. ТхьэлъэIу нэужьым Ставропольем къикIа хьэщIэхэр Щоджэн нэхъыщхьэмрэ щоджэнхэмрэ ХъуромэмкIэ ехъуэхъуащ икIи духовнэ школым гулъытэ зэрыхуащIым папщIэ фIыщIэ хуащIащ. Ставрополь семинарием щоджэ Псыхуабэ епархием и студент 20-м нэблагъэ. Щоджэнхэм къабгъэдэкIыу Пастыр нэхъыщхьэм ехъуэхъуащ Христос и
ХъуромэмкIэ Епархием и Советым и секретарь щоджэн нэхъыжь Знаменский Иоанн. Щиихънагъыр тхьэлъэIум хэтхэм ехъуэхъуащ икIи узэщIыныгъэкIэ захуигъэзащ.