Быйыл январь 3-де Къарачай-Черкесияда Зеленчюк районну спорт школунда адетдеча Рождествво спартакиада башланнганды. Ол Къарачай-Черкесияны Къыбла клисаэокругуну джуаблы динчиси протоирей Субтельный Евгений бла школну администрациясыны башламчылыгъы бла къуралыб терт джыл бардырылады.
Спартакиаданы аллын гитче футболдан башладыла, анга Зеленчюк станседен терт команда къошулгъан эди. Джыллары гитче къауумда 2008-2009 джыллада туугъан
абадан къауумда да 2006-2007 джыллада туугъан сабийле эришгендиле. Эришиулени ахырында эки къауумда хорлагъанла белгили болдула. Командала кубокла да алдыла.
Турнирни эм иги спортчуларын да белгиледиле, алагъа да "лучший бомбардир" деген статуеткала бердиле. Эришиулеге къошулгъанланы бары да грамотала бла татлы саугъала да алдыла. Джуаблы православ динчи хорлагъанланы алгъышлаб. турнирни къурагъанла бла спонсорларына эмда джан аурутургъа келген ата-аналагъа джюрек разылыгъын билдирди. Турнирни андан арысында январны 4-сю бла 5-де дженгил атлетика бла волейболдан эришиуле барлыкъдыла.