2017 гъэм дыгъэгъазэм и 15-м Минводы щекIуэкIащ КИФЩI-м и регентхэмрэ члисэ хорхэм я уэрэджыIакIуэхэмрэ я щIэныгъэ-практикэ конференцэ. Ар къызэрагъэпэщащ Псыхуабэ епархиемрэ Ставрополь крайм Сафоновым и цIэр зезыхьэ музыкэ колледжымрэ. Ар иригъэкIуэкIащ Псыхуабэ, Черкесск щIыналъэхэм я щихънагъ Феофилакт.
Зэхыхьэр Благовещенскэ члисэм тхьэлъэIу литургиекIэ щрагъэжьащ. Ар иригъэкIуэкIащ конференцэм и хьэщIэ лъапIэ – урыс члисэ уэрэд жыIэнымкIэ Патриаршэ комиссэм и унафэщI щоджэн нэхъыжь Агейкин Александр. Абы къулыкъур драгъэкIуэкIащ: Минераловодскэ члисэ округым и екIуэлIапIэхэм я благочиннэ щоджэн нэхъыжь Панасенкэ Алексий, Ставрополь духовнэ семинарием и Регент школым и унафэщI щоджэн нэхъыжь Сафонов Владимир, члисэм и клирикхэр.
Зэхыхьэм хэтащ щоджэнхэр, КИФщI-м и епархием и члисэ округхэм я регентхэмрэ уэрэджыIакIуэхэмрэ, Ставрополь духовнэ семинарием и егъэджакIуэхэмрэ студентхэмрэ, КИФЩI-м и музыкэ еджапIэхэм я егъэджакIуэхэр. Зэхуэсыр къызэIуахащ хорым ядэлэжьэнымкIэ мастер-класскIэ. Абы хэтащ къызэхуэса псори.
Щихънагъ Феофилакт пленарнэ зэIущIэм конференцым хэтхэм фIэхъускIэ защыхуигъэзащ икIи къыхигъэщащ епархиемрэ колледжымрэ илъэс зыбжанэкIэ зэрызэдэлэжьам абы зэрызригъэужьар. ЕджапIэм и регент курсхэр 2011 гъэм щыщIэдзауэ мэлажьэ. Абы къриубыдэу регент, псаломщик 80 ягъэхьэзыращ. Колледжым и IэщIагъэлIхэр хэтщ епархием и «Пою Богу моему» хор фестивалым. Щихънагъыр ядэгуэшащ иджырей члисэ уэрэд жыIэным зегъэужьыным и мыхьэнэмрэ унэтIыныгъэхэмрэ ятеухуауэ.
Урыс члисэ уэрэд жыIэным зегъэужьынымкIэ Патриаршэ комиссэм и унафэщI щоджэн нэхъыжь Агейкин Александр Патриашэ хор къызэрызэрагъэпэщам тепсэлъыхьащ, члисэ уэрэд жыIэным зэрызебгъэужьынум къытеувыIащ.
Кавказ Ищхъэрэм члисэ уэрэд жыIэнымкIэ и тхыдэм траухуащ Ставрополь Духовнэ семинарием и Регент школым и унафэщI щоджэн нэхъыжь Сафонов Владимир. Георгиевскэ епархием и щоджэн нэхъыщхьэм и регент Поповэ Татьянэ и докладыр траухуащ хорым зэрыдэлэжьэну Iэмалхэм. Колледжым и егъэджакIуэ, искусствоведенэм и кандидат Скоробогатовэ Татьянэ къытеувыIащ Свиридов Георгий и духовнэ музыкэм икIи и лэжьэгъухэр къыхуриджащ иджырей композиторхэм я творчествэм гулъытэ нэхъыбэ хуащIыну.
Щихънагъ Феофилакт тыркуменыбзэмкIэ члисэ тхыгъэхэр къызэгъэпэщыным тепсэлъыхьащ, бзэмрэ лъэпкъ хабзэхэмрэ я щхьэхуэныгъэхэр къилъытэу.
ИужькIэ зэIущIэхэр екIуэкIащ. IэщIагъэлIхэм жэуап иратащ абы хэтахэм ята упщIэхэм.