2017 гъэм щэкIуэгъуэм и 17-м КъШР-м и къалащхьэм и республикэ филармонием щекIуэкIащ Кубань къэзакъыдзэм и отчет зэхуэс. Зэхыхьэм и хьэщIэ лъапIэ хъуащ Къэрэшей-Шэрджэсым и ЦIыхубэ Зэхуэсым (Парламентым) и унафэщI Иванов Александр, УФ-м и Президентым и Полпредым и Аппаратым и федеральнэ инспектор нэхъыщхьэу КИФЩI-м щыIэ Дральщиков Игорь, Кубань къэзакъыдзэм и атаманым и япэ къуэдзэ Перваков Николай, властым, республикэм и жылагъуэ зэгухьэныгъэхэм я лIыкIуэхэр. Зэхуэсым и лэжьыгъэм хэтащ Ищхъэрэ, Ипщэ члисэ округхэм я члисэхэм я благочиннэхэу щоджэн нэхъыжьхэу Нартов Александр, Субтельный Евгений.
Зэхуэсым и пэ къихуэ тхьэлъэIум къеджащ Баталпашинскэ къудамэм и дзэ щоджэн нэхъыжь Соколов Геннадий. Доклад нэхъыщхьэм и пэ къихуэу къеджащ фIэхъус тхыгъэхэу Президентым и полномолчнэ лIыкIуэу КИФЩI-м щыIэ Белавенцев Олег, Кубань къэзакъыдзэм и атаман, къэзакъ генерал Долудэ Николай, КъШР-м и Iэтащхьэ Темрезов Рашид, Тэрч къэзакъыдзэм и атаман, къэзакъ полковник Журавский Александр. Баталпашинскэ къудамэм и лэжьыгъэм теухуа доклад нэхъыщхьэр отчет
лъэхъэнэм къриубыдэу ищIащ атаман, къэзакъ полковник Бородкин Виктор. Абы зэрыжиIамкIэ, къудамэм район зэгухьэныгъэу 4, къалэу зы зэрыщылажьэр.
Къудамэм хэт къэзакъхэм я бжыгъэр мини 3 264-рэ мэхъу. Абы щыщу къэзакъ 16- р депутату хахащ, 44-м къулыкъу щащIэ УФ-м IэщэкIэ зэщIэузэда и Къарухэм.
Республикэм къыщызэIуахащ къэзакъ унэтIыныгъэ зиIэ класс 12, къэзакъ музыкэ гупи 10.
Станицэм и екIуэлIапIэхэм я гъащIэм жыджэру хэтщ къэзакъхэр. Станицэ псоми къэзакъхэр ЕкIуэлIапIэхэм я советхэм хэтщ. Атаманым и докладыр и кIэм нигъэса нэужь, ревизэ комиссэм, нэхъыжьхэм я советым, захуагъэм и судым я унафэщIхэм зэхуэсым къыщалъытащ Кубань къэзакъыдзэм и Баталпашинскэ къудамэм и атаманым и лэжьыгъэр къехъулIауэ.