2017 гъэм щэкIуэгъуэм и 16-м, Греческэ къуажэм и Минераловодскэ округым щыIэ члисэжьым и пащтыхь шэнтиуэ махуэшхуэм, къуажэм япэ чристэн квест щрагъэкIуэкIащ. Ар къызэрагъэпэщащ Минераловодскэ округым щIалэгъуалэм ядэлэжьэнымкIэ и къудамэмрэ Греческэ къуажэм Тхьэм папщIэ бэлыхь куэд зрагъэшэча, ТекIуэныгъэ къэзыхьа Георгий и цIэр зезыхьэ екIуэлIапIэмрэ.
ТхьэлъэIу литургие нэужьым зэхыхьэм хэтхэм захуигъэзащ квестыр къызэзыгъэпэща, Минераловодскэ округым и благочиннэм щIалэгъуалэм ядэIэпыкъунымкIэ и дэIэпыкъуэгъу Стацюк Михаил. Ар хабзэхэм къытеувыIащ икIи псоми яритащ Кавказская Эллада этномузейм теухуа брошюрэхэр. Минводы, Железноводск, Иноземцевэ, ЕссэнтIыгу щыщ студентхэр квест зэмылIэужьыгъуэхэм хэтащ, ауэ члисэм и Iэгъуэблагъэм япэу щыджэгуу арат. Греческэ къуажэм апхуэдэ зэхыхьэ гъэщIэгъуэн япэу къыщызэрагъэпэщащ. Къуажэдэсхэмрэ еджакIуэхэмрэ зэхыхьэм кърихьэлIахэм ядэIэпыкъуащ члисэм адэкIэ щыт станцэр къагъуэтынымкIэ. Квест станцэхэр Кавказская Эллада этномузейм, ЩэнхабзэмкIэ унэм, члисэм и Iэгъуэблагъэм я хэщIапIэхэм къыщызэрагъэпэщащ. Квестыр члисэм и блынхэм щызэхуащIыжащ, къагъэщIэрэщIэжа тхьэнапэм деж. УнафэщIыр зэхыхьэм хэтхэм яхутепсэлъыхьащ члисэ лъапIэныгъэхэм икIи яригъэлъэгъуащ члисэм и тхьэнапэжьыр, 1888 гъэм ягъэхьэзырар.
Квестым хэтхэр хагъэгъуэзащ къуажэм и тхыдэм, алыдж хабзэхэм, спорт зэхьэзэхуэхэм хэтащ, акъылыфIагъэ джэгукIэхэм я зэфIэкI щеплъыжащ. Члисэм и унафэщI щоджэн Пронь Алексий текIуахэм щIыхь тхылъхэр яритащ. Джэгу нэужьым псоми алыдж лъэпкъ шхыныгъуэхэр зыхуэдэм ирагъэплъащ, концерт къызэрагъэпэщащ.