Быйыл ноябрь айны 16-да Хорламчы Георгий шыйыхны эсгериу кюн, Боргъустан стансени Георгий клисасында къуанч болуб етдю. Анда дин къуллукъгъа Нарсана клиса
округну джуаблы динчиси протоирей Знаменский Иоанн башчылыкъ этди. Анда байрамны аллын сыйлы Георгий шыйыхха акафист дуадан башладыла. Дин къуллукъда тилекле да причастияны да стансени къазакъ классларыны сохталарындан джюзден аслам сохта къошулуб этдиле. Джуаблы православ динчи клисаны джамагъатына, Пятигорске бла Черкесск епархияны архиепископу Феофилактны разылыгъы бла алгъышлауун да айтды. Къачны къатында клисагъа келген джамагъатха Лида шахардан келген Хорламчы Георгий шыйыхны дин сыйларындан нюрленнген мир джаудан джагъылды. Ол саугъаны бу клисагъа Нарсана клиса округну джуаблы динчиси иконала бла бирге этген эди. Дин къуллукъдан сора клисагъа келген джамагъат эмда стансени къонакълары байрамны андан арысын клисаны аш юйюнде бардырдыла. Анда Пятигорскени культура белюмю къурагъан концерт да болуб етдю.