Кеб болмай Пятигорскеде Спасс клисаны волонтерлары бла анга джюрюген джамагъат Терк Башы Тегей республиканы православ дин сыйлагъан джерлерине жолоучулукъ къурадыла. Алагъа клисада волонтер къозгъалыуну тамадасы диакон Ендовицкий Сергий башчылыкъ этди. Окъуучу Иваникин джолоучулагъа Шимал Кавказда аны ичинде Тегейде христианлыкъ къуралгъанны тарихинден хапар айтды. Биринчи Алагирде Вознесенский клисада тилек этдиле. Паломникле Дин къуллукъда Масих Иссаны эсге тюшюрген Адетни да этдиле. Андан сора аш-суудан ауузландыла. Аны кезюуюнде клисаны тамадасы иеромонах (Бетиев) Ганий бла да ушакъ этдиле. Андан сора паломникле Алан Успен эркиши монастырда болдула. Монастыр бла танышыб бошагъандан сора пятигорскечиле шыйых Бийчелени сыйына аталгъан клисада эмда
Иверский монастырда Раббийни Анасыны Моздок иконасыны къатында да тилекле этдиле. Ала дин джолоучулукъларын Владикавказны Георгий ара клисасында
тамаладыла. Паломникле кечеги дин къуллукъгъа къошулуб Хорламчы Георгий шыйыхны дин сыйларына табын этдиле.