Пятигорске бла Черкесскени архиепископу Феофилакт, Терк къазакъ аскер обществону намыс Сюдю бла акъсакъалларыны Советини председатели, къазакъ генерал Бондарев Василий Павловични ауушханына, эт адамларына къайгъы сез берди. «76 джыл толгъандан сора кеб джашамай арабыздан къазакъ генерал Бондарев Василий Павлович бу дуниясын ауушдурб керти дуниягъа кетгени бизге бек бушуу болду. 1991-чи джылдан башлаб ол кесини туугъан джеринде Ставропльени Киров районунда къазакъчылыкъны джангыртыргъа уллу къыйын салгъанды.2000-чи джылдан бери Терк къазакъ аскерни атаманы болгъанды. Бюгюнлюкге дери ол сафдан кетмегенди. Намыс Сюд бла акъсакъалланы Советине башчылыкъ этгенди, джамакгъатны арасында уллу сыйы болгъанды. Мени эсимде ол Динин атмагъан керти православ адамча къаллыкъды. Раббийни къулу Василийни ол бир дуниясы джарыкъ болсун деб Аллахдан тилейме. Аны башлагъан ишин къазакъ-къаргнашлары мындан ары бардылыкъларына ышанама»,-деб айтылады Архиерейни ийген къайгъы сезюнде.