Быйыл октябрь айны 28-де Нарсана шахарда, къазакъ джамагъатны отчет-сайлау джыйылыуу болуб етдю. Аны ишине Терк аскер къазакъ джамагъатны атаманы къазакъ полковник Журавский Александр Вячеславович, курорт шахарны администрациясы бла Думасыны келечилери да къошулгъан эдиле. Ол джыйылугъа 87 къазакъ къошулгъан эди. Наказной атаман есаул Евгений Федорович Мезенцев этилген ишни юсюнден отчет этген эди. Къазакъ полковник Владимир Михайлович Лазебный ауушханы себебли джангы атаманны сайладыла. Къазакъ джыйылыуда асламысыны чеб атханы бла атаманнга аскер старшина Финенко Сергей Георгиевични сайладыла.Къазакъ аскерни православ динчиси протоирей Украинцев Александр, джангы сайланнган атамннга Сыйлы Инджил бла присяга алдырды. Ол кюн огъунакъ отчет къазакъ джыйылыу Суворовка станседе да болуб етген эди. Вера Надежда, Любовь эмда аналары София шыйыхланы сыйына аталгъан клисаны тамадасы протоирей Иванилов Романны тилек этгенинден сора джыйылыу кесини ишин башлады. Анда атаманны, обществону джазыучусуну, намыс сюдню председателини отчетларына тынгыладыла эмда Суворовка къазакъ джамагъатны къурамына юч адамны алдыла. Джыйылыуну аягъында Роман бабас, урушлада, къаугъалада елген къазакълагъа дуа окъуду.