Мы махуэхэм Бэрбэч Хь. М. и цIэр зезыхьэ Къэбэрдей-Балъкъэр къэрал университетым щрагъэжьащ гъэсэныгъэ лэжьыгъэхэмкIэ IэoIагъэлIхэмрэ егъэджэныгъэ IэухущIапIэхэм я студент самоуправлненэм и лидерхэмрэ я щIэныгъэм щыхагъахъуэ «Профилактика (предупреждение) терроризма и экстремизма в молодежной среде» курс-семинарым и лэжьыгъэр. Махуищым къриубыдэу IэщIагъэлIхэм ирагъэкIуэкIащ тренингхэмрэ лекцэхэмрэ. Иужьрей махуэм, жэпуэгъуэм и 28-м, кIэух конференцэ екIуэкIащ – программэр къыщызэщIакъуэжу, курсыр къэзыухахэм тхылъхэр иратыжащ. Семинарыр къыщызэIуахым хэтащ КъБКъУ-м и ректор Альтуд Юрий, КъБР-
м экстремизмымрэ радикализмымрэ къэмыгъэхъуным ехьэлIауэ властым и органхэм я лэжьыгъэхэр зэщIэгъэуIуэнымкIэ министр Къуэшырокъуэ Залым, Граждан жылагъуэ институтхэмрэ лъэпкъ IуэхухэмкIэ дэлэжьэнымкIэ управленэм и унафэщIым и къуэдзэ Гергоков Джамбулэт, Налшык округым и благочиннэ щоджэн нэхъыжь Бобылев Валентин, КъБР-м и ДУМ-м и унафэщIым и къалэнхэр зыгъэзащIэ Сыжажэ Алим, патриот гъэсэныгъэхэмкIэ Лъэпкъ зэгухьэныгъэм и граждан-патриот департаментым и унафэщI, УрысейщIалэгъуалэм и эксперт Карпухинэ Аннэ, щIалэгъуалэ политикэмрэ гъэсэныгъэ IуэхухэмкIэ КъБКъУ-м и управленэм и унафэщI Лу Азэмэт, Урысей МВД-м и «Э» Центрым и къудамэу КИФЩI-м щыIэм и лэжьакIуэхэу Ержыб Хьэсэн, Пащты Къазбэч, Бозий Ислъам, Теувэжыкъуэ Елдар, курс-семинарым кърихьэлIахэр, Шэшэн Республикэм, Ингушетием щыщхэр хыхьэу, школ 40-м я лIыкIуэхэр. Зэхыхьэм хэтхэр ирагъэплъащ «Долгая дорога миру» документальнэ фидьмым. Ар теухуащ республикэм иджыблагъэ къыщыхъуа террактхэм, экстремистхэм япэщIэта лIыхъужьхэм. Благочиннэм семинарым хэтхэм захуигъэзащ фIэхъускIэ икIи ягу къигъэкIыжащ экстремизмым узэрыпэщIэтынур хабзэм ехьэлIа дин щIэныгъэ зэбгъэгъуэтыныр зэрыарар.