2017 гъэм жэпуэгъуэм и 27-м Минводы щекIуэкIащ Епархием и V Губин къеджэныгъэ, Тэрч тхакIуэр къызэралъхурэ илъэс 90 зэрырикъум и щIыхькIэ. Хабзэ хъуауэ къызэрагъэпэщ зэхыхьэр япэу Псыхуабэ, Черкесск епархиемрэ Тэрчыдзэм и къэзакъ зэгухьэныгъэмрэ къэзакъ тхыдэр фIыуэ зылъагъухэм я Тэрч зэгухьэныгъэмрэ зэгъусэу ягъэхьэзыращ, къэзакъ щэнхабзэм и зэпеуэ-фестиваль пэлъытэу. Абы хэтащ Тхьэм и нэфI зыщыхуа Кавказым и еджакIуэ 300-м щIигъу. Железнодорожникхэм ЩэнхабзэмкIэ я унэм зыкъыщагъэлъэгъуащ Кавказым и Минводы, Ставропольем и Кировскэ районым, Къэбэрдей-Балъкъэрым, Къэрэшей-Шэрджэсым хыхьэ къалэ, къуажэ, станицэ зэмылIэужьыгуъэхэм щыщ гупхэм.
Зэпеуэр унэтIыныгъэ зэхуэмыдэхэм теухуауэ ирагъэкIуэкIащ: видеонэтын, реферат, театр теплъэгъуэ, литературэ-макъамэ композицэ, художественнэ къеджэныгъэ, тэрч уэрэдхэр. КъызэгъэпэщакIуэхэм къызэрыхагъэщамкIэ, щIэблэр къэзышар Губиным и творчествэрщ, и прозэрщ. «Молоко волчицы» роман цIэрыIуэм къищынэмыщIауэ, «Афина Паллада», «Траншея» тхылъхэми ахэр фIыуэ щыгъуазэт.
Япэ увыпIищыр къэзыхьахэм щIыхь тхылъхэмрэ саугъэтхэмрэ хуагъэфэщащ. КМВ-м и «Резонанс» творческэ щIалэгъуалэ гупыр, Псыхуабэ и «Юные таланты» театр студиер, Кисловодск и «Виктория» театр студиер,
Минводы и «Лучина» IуэрыIуатэ гупыр, Советскэ станицэм щыщ Полященкэ Индирэ, Крухмалевэ Аленэ, Прикумскэ къуажэм щыщ Костенкэ Павел, Перевальнэ къуажэм щыщ Голованевэ Анастасие.
Епархием и Губин къеджэныгъэхэр къыхэзылъхьахэм я мурадыр – къэзакъ щIалэгъуалэр ягъэсэнырщ, къэзакъ щэнхабзэр къаIэтынырщ, тэрч къэзакъхэм я хабзэр яхъумэнырщ, щIэблэм я деж ар нахьэсынырщ, Губин Андрей и творчествэм хагъэгъуэзэнырщ.