2017 гъэм жэпуэгъуэм и 14-м Новочеркасскэ къалэм щекIуэкIащ Тхьэм и Анэм и Покров махуэшхуэм теухуа гуфIэгъуэ зэхыхьэхэр. Патриаршэ дзэ къэзакъпсо Вознесения члисэ зэхуэхьэсам тхьэлъэIу литургиер щрагъэкIуэкIащ Дон митрополием и Iэтащхьэ, Ростовскрэ Новочеркасскрэ я митрополит Меркурий, къэзакъхэм ядэлэжьэнымкIэ Синод комитетым и унафэщI, Ставрополь митрополием и Iэтащхьэ, Ставропольскрэ Невинномыскрэ я митрополит Кирилл, Элистинскрэ Калмыцкрэ я архиепископ
Юстиниан, Псыхуабэ, Черкесск щIыналъэхэм я архиепископ Феофилакт, Ровеньковскрэ Свердловскрэ я архиепископ Пантелеимон, Магаданскрэ Синегорскрэ я архиепископ Иоанн, Волгодонскрэ Сальскрэ я щихънагъ Корнилий, Колпашевскрэ Стрежевскрэ я епископ Силуан, Владикавказскрэ Аланскрэ я епископ Леонид, Шахтинскрэ Миллеровскрэ я епископ Симон, Шадринскрэ Далматовскрэ я епископ Владимир.
Пастыр нэхъыщхьэхэм къулыкъур драгъэкIуэкIащ Дон митрополием и щоджэнхэм, зэхыхьэм и хьэщIэхэм.
ГуфIэгъуэ зэхыхьэм хэтащ УФ-м и Президентым и полномочнэ лIыкIуэу федеральнэ округ нэхъыщхьэм щыIэ, УФ-м и Президентым ФедерацэмкIэ и Советым къэзакъхэм я IуэхухэмкIэ и унафэщI Беглов Александр, Ипщэ дзэ округым и дзэхэм я унафэщI, Урысейм и ЛIыхъужь генерал-полковник Дворников Александр, Ростов областым и губернатор Голубев Василий, УФ-м и Президентым Ипщэ федеральнэ округым щиIэ полномочнэ лIыкIуэм и къуэдзэ Сафронов Анатолий, Доныдзэм и атман Гончаров Виктор, Ростов областым и губернаторым и къуэдзэ Бондарев Сергей, закон къыдэзыгъэкI, гъэзэщIакIуэ властым и лIыкIуэхэр, Доныдзэм и атаманхэмрэ къэзакъхэмрэ, Ростов областым и къэзакъ кадет корпусхэм и къэзакъхэр.
ТхьэлъэIум Тхьэ щелъэIуащ Свято-Иверскэ къулъшырыфым и унафэщI игуменья Рахиль (Ковалевэ), къулъшырыфым гуапагъэ щызыщIэ шыпхъухэр, Свято-Донскэ Старочеркасскэ цIыхухъу къулъшырыфым щыIэхэр, Дон духовнэ семинарием и студентхэр, щIыналъэ лъапIэм щыIахэр, екIуэлIапIэм кIуэхэр. ТхьэлъэIур зэрекIуэкIыр трихащ «Дон-ТР» ГТРК-м.
ТхьэлъэIу нэужьым Ростовскрэ Новочеркасскрэ я митрополит Меркурий тхьэлъэIум хэтхэм фIэхъус ярихащ икIи Москварэ Урысей псомрэ я Патриарх Кирилл къыбгъэдэкI фIэхъусыр ярихыжащ. Тхьэм и Анэм и Покровым и цIэр зезыхьэ гуфIэгъуэ зэхыхьэ Вознесения Патриаршэ дзэ къэзакъпсо члисэ зэхуэхьэсам къахьащ XX лIэIщыгъуэм фIэщхъуныгъэ зиIэу Тхьэм папщIэ бэлыхь куэд зрагъэшэчахэм я ковчегыр. ЛъапIэныгъэр Дон щIыналъэм ягъэIэпхъуащ Москварэ Урысей псомрэ я Патриарх Кирилл и арэзыныгъэкIэ.
Тхьэм и Анэм и Покров махуэшхуэр – Вознесенскэ члисэ зэхуэхьэса а махуэм ягъэнэхуам и пащтыхь махуэшхуэщ. ТхьэлъэIу литургием и пэ къихуэу, Доныдзэм и дзэ щоджэн нэхъыжь Маштанов Сергий Донрэ Новочеркасскрэ я архиепископ Иоаннрэ (Доброзраков), 1812 гъэм щыIа Хэку зауэшхуэм и ЛIыхъужьхэм, граф Платов Матвей, генералхэу Орлов-Денисов Василий, Ефремов Иван, Кавказ зауэм и лIыхъужь генерал Бакланов Яков сымэ папщIэ Тхьэ елъэIуащ.
ТхьэлъэIу литургиер и кIэм щынэблагъэм, Патриаршэ Вознесенскэ члисэ зэхуэхьэсам и блынхэм Доныдзэм и парадрэ кадет корпусхэм и губернатор
еплъыныгъэрэ щрагъэкIуэкIащ.
Губернатор Голубев Василий обласым щыпсэухэм ехъуэхъуащ икIи еплъыныгъэм пашэ щыхъуахэм яритащ кубокхэр – Бакланов Я. П. и цIэр зезыхьэ кадет корпусымрэ Сальскэ къэзакъ кадет лицейм и профессиональнэ корпусымрэ я гъэсэнхэм.
Дон къэзакъхэм ехъуэхъуащ Урысейм и Президентым и деж щыIэ Советым къэзакъхэм я IуэхухэмкIэ и унафэщI Беглов Александр. УФ-м и Президентым и полномочнэ лIыкIуэм и къуэдзэу ИФО-м щыIэ Сафронов Анатолий Устинов Владимир и фIэхъусым псоми къахуеджащ.
Новочеркасск и Соборнэ утым и парадымрэ губернатор еплъыныгъэмрэ щызэхуэсащ къэзакъ 1500-рэ Ростов, Волгоград, Астахань областхэм, Къалмыкъым щыщу. Парад маршым хэтащ къэзакъ еджапIэхэм щIэс кадет 700.