2017 гъэм фокIадэм и 28-м, Кисловодск къалэм и Никольскэ члисэ зэхуэхьэсам и «Святыни земли родной» тхыдэ музейм щекIуэкIащ Урыс Чристэн Члисэм и Катехизис проектым и отзывыр зэхэгъэувэнымкIэ лэжьакIуэ гупым и япэ зэIущIэр. Ар къызэрагъэпэщащ Псыхуабэ, Черкесск щIыналъэхэм я щихънагъ нэхъыщхьэ Феофилакт и арэзыныгъэкIэ. Тхылъыр ягъэхьэзыращ Синод богословскэ комиссэм и богословхэмрэ Урыс Чристэн Члисэм и духовнэ академием и профессорхэмрэ икIи епархиехэм ягъэхьащ.
Комиссэм и лэжьыгъэр иригъэкIуэкIащ Псыхуабэ епархием и Епархие советым и секретарь, Кисловодск члисэ округым и екIуэлIапIэхэм я благочиннэ щоджэн нэхъыжь Знаменский Иоанн. Проектым и зэхыхьэм хэтащ: Псыхуабэ епархием и информационнэ-издательскэ къудамэм и унафэщI щоджэн нэхъыжь Самохин Михаил, епархием и члисэ судым и секретарь щоджэн нэхъыжь Моничев Димитрий, епархием и богословско-катехизатор курсхэм я унафэщI щоджэн нэхъыжь Симанович Олег, Ипщэ Къэрэшей-Шэрджэс округым и благочиннэ щоджэн нэхъыжь Субтельный Евгений, епархием щихъхэр канон щIынымкIэ и комиссэм и унафэщI иеромонах Елевферий (Казаков).
ЗэIущIэм хыхьэу Катехизис проектым и фIагъхэмрэ мыхъумыщIэхэмрэ къагъэлъэгъуащ. Мы гъэм жэпуэгъeэм и 10 пщIондэ отзывыр зэхагъэувэн папщIэ Iуэху еплъыкIэхэр утыку кърахьэну зэгурыIуащ.