Быйыл сентябрь айны 19-да Хонехде болгъан Архистратиг Михавил шыйыхны этген сейир затыны эсгериу кюнде , Къарачай-Черкесияда Новоисправный элни джамагъаты клиса байрам белгиледи. Ма эки джылны бир-бири ызындан бу элни православ джамагъаты бу байрамгъа кесини табын мекямында тюбейди. 2016-чы джыл элни къуралгъанына 90 джыл толгъанын белгилеген кезюуде бу табын мекямдва биринчи Дин къуллукъну Пятигорске бла Черкесскени архиепископу Феофилакт бардыргъанды. Андан бери былайда дин къуллукъла тохтаусуз барыб турадыла. Бу къуанч Дин къуллукъну Къарачай-Черкесияда Къыбла клиса округну приходларыны джуаблы динчиси протоирей Субтельный бардырды. Къачлы джюрюш бошалгъандан сора джуаблы динчи джамагъатны алгъышлаб эмда элчилеге Пятигорске бла Черкесскени архиепископу Феофилактны ийген разылыгъы бла Новоисправна элге 91 джыл толгъаны бла алгъышлагъанын айтды. Клисагъа джюрюген джамагъатны дагъыда Исправна эл администрацияны тамадасы Брыкина Марина бла эл къазакъ джамагъатны атаманы Григорьев Алексей алгъышладыла. Новоисправныйде гитче болса да клисаны къураргъа къыйын салгъанлагъа джамагъат бла Марина Ивановнагъа джуаблы православ динчи разылыгъын билдирди.