Быйыл сентябрь айны 17-де Муромскийле Петр бла Феврония шыйыхланы дин сыйлары кечюрюлген кюнню белгилей, Нарсананы Никольский клисасында христиан динде юйдегини джакъчыларына акафист дуа окъуб концерт да кергюздюле. Ол дин къуллукъгъа Нарсана клиса округну приходларыны джуаблы динчиси протоирей Знаменский Иоанн башчылыкъ этди. Анга дин къуллукъ болушлукъну да, юйдегини сорууларыны юсю бла аналыкъ бла сабийликни джакълагъан Епархия комиссияны тамадасы протоирей Акименко Сергий бла Нарсананы Пантелеймон клисасыны диакону Тригуб Михаил этдиле. Православ диндеча зикир этгенден сора протоирей Знаменский Иоанн, джыйылгъанлагъа юйдегигиз къаты болсун юйдегиленмегенле да ашхы адамларына джолугъугъуз деб багъышлау этди. Протоирей Акименко Сергий , Пятигорске бла Черкесскени архиепископу Феофилактны ийген разылыгъын айтды. Нарсана благочинияны джаш телюсюню кючю бла къуралгъан концерт «Святыни Земли родной» деген клиса музейде болуб етдю. Джаш адамла джыйылгъанлагъа, ол шыйыхланы джашауларын эсге салдыла. Концертде юйдегиге аталгъан джырла, назмула, элберле болдула. Программаны аягъында «Семья» деген ат бла социал кино кергюздюле. Байрамны ахырында бары да олтуруб чай ичдиле.