Псыхуабэ къалэм Тхьэм папщIэ бэлыхь куэд зрагъэшэча, ТекIуэныгъэ къэзыхьа Георгий и цIэр зезыхьэ члисэм и унафэщI, щоджэн нэхъыжь Сорокин Константин Псыхуабэ и курыт еджапIэ №14-м и егъэджакIуэхэм, класс щхьэхуэхэм я еджакIуэхэм, абыхэм я адэ-анэхэм я гъусэу гъэ еджэгъуэр зэрырагъэжьэжам папщIэ тхьэлъэIу иригъэкIуэкIащ.
ТхьэлъэIу нэужьым Константин псоми ехъуэхъуащ икIи ныбжьыщIэхэм захуигъэзащ узыншагъэ, ехъулIэныгъэ яIэну, щIэныгъэ зрагъэгъуэтынымкIэ къадэIэпыкъуну Тхьэм лъэIукIэ зыхуагъэзэным мыхьэнэшхуэ зэриIэм теухуа псалъэхэмкIэ. Щоджэным псы лъапIэм щыщ псоми ялъигъэIэсащ.