Быйыл сентябрь айны 5-де Москва бла бютеу Эресейни Сыйлы Патриархы Кирилл Къабарты- Малкъарны Эресейни къурамына къошулгъанына 460 джыл толгъаны бла байламлы , Москва шахарда Новоспасс ставропигиал эркиши монастырны Знаменский клисасыны кешенесинде эсгериу къанганы салыннганына къошулду.
Новоспасс монастырны Знаменский клисасыны аллында Орус Православ Клисаны Башчсысына: Пятигорске бла Черкесскени архиепископу Феофилакт, Новоспасс монастырны наместниги, Москва Патриархияны ишлерини управляющийини биринчи орунбасары Воскресенскени епископу Савва, Къабарты-Малкъарны Башчысы Ю.А.Коков, Эресейни Президентини ШКФ округда толу эркинликли келечиси О.Е Белавенцев, Къабарты-Малкъарны Парламентини председатели Т.Б. Егорова эмда Новоспасс монастырны насельниклери тюбедиле. Ол мероприятиягъа Къабарты-Малкъарны муфтийи Х.О. Дзасежев эмда республиканы кърал органлары бла джамагъат организацияланы келечилери да къошулгъан эдиле. Сыйлы Патриарх Кирилл, Ю.А. Коков эмда ол церемонияны башха келечилери Новоспасс монастырны Знаменский клисасына кирдиле. Знамения Пресвятой Богородица клисаны кешенесинде Иоанн IV патчахха эмда аны бийчеси Мария Темрюковнагъа къуллукъ этерге келген, адыгланы бабалары Бекович, Сунчалеев, Черкасский бийле асыралыбдыла. Аланы арасында белгили аскер башчылы,кърал къуллукъчула да бардыла. Сыйлы Патриарх Кирилл, Знаменский клисада джыйылгъанлагъа быллай сезле айтды.
« Къабарты-Малкъарны кеси разылыгъы бла Эресейни къурамына киргенли 460 джыллыгъына джоралаб, ма бу черкес бийле асыралгъан джерде джаназы дуа этейик. Эресейни бу белгили уланларыны династиясыны аллын Иоанн Васильевични патчахны юй бийчеси Мария Темрюковна башлагъанды. Бу некяхны юсю бла Къабарты-Малкъарны кеси разылыгъы бла Эресейге къошулгъаныны себеббинден бу риу тай миллетлени келечилери бла Эресейни арасында ариу джарашыулукъ, байламлылыкъ къуралгъанды. Ма бюгюн да Аллахны кючю бла къауум лджарсыулагъа да къоркъуулагъа да къаврамай артыкъ да бек халкълаарасы терроризмге, ма бу халкъладыла бизни Ата Джуртубузну къыбла чеклеринде тынгысын сакълайдыла. Алай а бюгюнлюкде къабартыла бла малкъарлыла ислам динни тутадыла, оруслула уа православ динни алай болса да биз багъалы затланы бир системасын, ангыламакъны джоругъун сакъларгъа керекбиз, олду башха зат болмай бизни халкъларыбызны бирикдирген. Тюбюнден бегимен багъалы шартла болмасала миллетле биригиб джашаяллыкъ тюлдюле.Бир затны юсюнде аланы иннетлери баш магъаналы эсе, ол заманда тюбеген джарсыула уакъ тыйгъычлагъа саналыб къаладыла. Ол себебден биз халкъларыбызны тин байлыгъын сакъларгъа эмда муслиманла бла православлыланы арасында джарашыулукъну айнытыргъа эмда бир-бирибизни иги ангыларгъа керкбиз., 460 джылны бирге джашаб келиб керти да бир юйдегича болгъанбыз. Келигиз энди
былайда асыралгъан Аллахны къулларына бир дуа этейик».
Андан сора Сыйлы Владыка лития дуаны окъуду. Дагъыда клисада асыралгъан Черкасский бийлеге тилекле этилдиле.
Аны ызы бла джыйылгъанлагъа Эресейни Президентини ШКФ округда толу эркинликли келечиси О.Е Белавенцев бла Къабарты-Малкъарны Башчысы Ю.А Коков селешдиле. Кесини сезюнде Коков джолдаш былай айтды: «Сизни Сыйлылыгъыгъыз, бизни делегацияны эмда республиканы джамагъатыны атындан, бизни республикагъа эмда саулай Эресейни субъетлерине джылы къарамыгъыз ючюн разылыгъыбызны билдереме. Етген 2016-чы джыл сизни Нальчикге келгенигиз, кесигиз Иоанн Грозный патчахны юй бийчеси Мария Темрюковнаны кекледе джакъчысы Магдаллы Мария шыйыхны клисасына нюр салгъаныгъыз бюгюн-бюгече да джамагъат ны эсинде джарыкъ сезимча сакъланады . Бюгюн этилген ишни да уллу тин тарих магъанасы барды.Былайда Новоспасский монастырда къабарты халкъны белгили уланлары бла къызлары асыралгъандыла. Ала бий тукъумланы джюрютген Бековичи, Сунчалеевичи, Черкасские белгили кърал къуллукъчуладыла. Аланы салгъан къыйынлары бла этген джгитликлери Эресейни халкъларын бирикдириуде джарыкъ юлгю болгъанды. Сиз, Сизни Сыйлылыгъыгъыз, бюгюн Къабарты-Малкъаргъа эмда саулай Кавказгъа сый бергенигиз бла тарихде сакъланныкъ иш этдигиз». Знаменский клисаны джер тюбю белмеледе Сыйлы Патриарх Кирилл, Къабарты- Малкъарны Эресейге къошулгъанына 460 джыл толгъаны салыннган эсгериу къангагъа нюр салгъан адетни этди. Ол къанганы къатына да гокга хансла салдыла. Ол къангада былай джазылады: « Былайда, Новоспасский монастырны Знаменский клисасында , Черкасскийле бий тукъумну адамлары асыралгъандыла. Ала Черкасскийле (Темрюковичле,
Камбулатовичле, Сунчалевичле, Бековичле), Къабыртыны черкеслериндендиле, ала 1561-чи джылдан башлаб онглу кърал башчыгъы Ара шахар Москвада къуллукъ этиб тургъандыла, Иоанн IV патчах юй бийчеге Мария Темрюковнаны алгъандан сора. Ата Джуртну белгили уланларыны арасында генералисимус да онглу канцлер, губернаторла, аскер башчыла эмда бояр думада 12 адам болгъандыла. Тюрлю-тюрлю къуллукълада ишлей Черкасскийле, Эресейни Къраллыгъына айныууна уллу юлюш къошхандыла. Ол онглу ата-бабаланы атлары эсде сакъланыргъа алагъа сый бере, Къабарты-Малкъарны Эресейге къошулгъанына 460 джыл толгъаны бла байламлы,
разылыкъ бла аланы туудукъларыны атындан салыннганды бу къанга. Аллах рахмат этсин! Масих Туугъандан тергелиб саналгъан 2017-чи джылда».
Новоспасс монастырны архиерейли отоуларында , Сыйлы Патриархы Кирилл, Ю.А. Коков, О.Е. Белавенцев эмда Т.Б. Егорова бла тюбеб ушакъ этди.
Москва бла бютеу Эресейни Патриархыны пресс-къуллугъу.