Кисловодск къалэм Телъыджэ къэзыгъэхъу Николай и цIэр зезыхьэ и члисэ зэхуэхьэсам 2017 гъэм шыщхьэуIум и 11-м члисэ зэхуэхьэсар къэзыхъумэр тхьэлъэIукIэ ягу къагъэкIыжащ. Къалэ-зыгъэпсэхупIэм щыпсэухэмрэ абы и хьэщIэхэмрэ махуэшхуэ тхьэлъэIум хэтащ.
Иджыблагъэ, Телъыджэ къэзыгъэхъу Николай и тхьэнапэ члисэм щыIэм и пщыхьэщхьэ тхьэлъэIум щихъым папщIэ акафист щрагъэкIуэкIащ. Акафист уэрэдыр жаIащ члисэ зэхуэхьэсам и унафэщI щоджэн нэхъыжь Знаменскйи Иоанн я пашэу. Къызэхуэсахэм защыхуигъазэм, ар щихъым и гъащIэм, къигъэхъуа телъыджэхэм яхутепсэлъыхьащ икIи къыхуриджащ мамыру, гъунэгъухэр фIыуэ ялъагъуу псэуну.
КъыкIэлъыкIуэ махуэм, тхьэлъэIу литургие, махуэшхуэ тхьэлъэIу нэужьым «Святыни земли родной» члисэ-тхыдэ музейм екIуэлIапIэм кIуэхэр щрагъэплъащ Мамонтов Аркадий и «Чудотворец» фильмым. Фильмым тепсэлъыхьыжа нэужь, къызэхуэсахэм тыгъэ хуащIащ щихъ Николай и тхьэнапэр.
А махуэм къэзакъхэмрэ Кавказым и Минводы щыпсэухэмрэ ягу къагъэкIыжащ Кисловодск къалэм и къэзакъ зэгухьэныгъэм и атаман, къэзакъ полковник Лазебный Владимир. Ар дунейм зэрехыжрэ махуэ 40 щрикъум ирихьэлIэу Никольскэ члисэ зэхуэхьэсам тхьэлъэIу щрагъэкIуэкIащ, Владимир и псэр зэгъэн папщIэ къэзакъи 100-м щIигъу, и благъэхэр, Iыхьлыхэр, члисэм екIуалIэхэр Тхьэ щелъэIуам.
Кисловодск къалэм и къэзакъ зэгухьэныгъэм и атаман, къэзакъ полковник Лазебный Владимир хьэлъэу сымэджа нэужь, и ныбжьыр илъэс 65-м иту 2017 гъэм бадзэуэгъуэм и 3-м дунейм ехыжащ.
Черкесск и Никольскэ члисэ зэхуэхьэсам 2017 гъэм шыщхьэуIум и 11-м зэгъусэ тхьэлъэIу щекIуэкIащ. ТхьэлъэIу литургиер иригъэкIуэкIащ Псыхуабэ члисэ округым и екIуэлIапIэхэм я благочиннэ щоджэн нэхъыжь Дубинский Борис. Абы къулыкъур драгъэкIуэкIащ Ипщэ Къэрэшей-Шэрджэс округым и члисэхэм я благочиннэ щоджэн нэхъыжь Субтельный Евгений, Псыхуабэ Тхьэм и Анэм и Смоленскэ тхьэнапэм и цIэр зезыхьэ члисэм и унафэщI Симанович Олег, члисэ зэхуэхьэсам и ключарь щоджэн нэхъыжь Кузнецов Сергий, епархием и нэгъуэщI щоджэнхэри. ТхьэлъэIур зэгъусэ тхьэлъэIурэ махуэшхуэ IэнэкIэ зэхуащIыжащ.