Быйыл июль айны 16-да Пятидесятницаны 6-чы Ыйыгъында, Москваны митрополити, Филипп шыйыхны дин сыйлары келтирилгенни эсгериу кюнде, Пятигорске бла Серкесскени архиепископу Феофилакт Пятигорскени Спасс ара клисасында Дин къуллукъ бардырды. Архиерейге дин къуллукъ болушлукъну клисаны клириклери бла Успен Вторафон Бештау эркиши монастырны джуаблы динчиси иеромонах (Казаков) Елевферий этдиле. Литуригияда дин джырланы Куба Димитрий башчылыкъ этген клисаны хору джырлады. Архипастырь бла бирге Пятигорскечиле бла курорт шахарны къонакълары табын этдиле. Сыйлы Китабдан окъугъандан сора Владыка джамагъатха ауаз берли. Пктения дуадан сора архиепископ Феофилакт, Украина бла Джуукъ Кюнчыгъышда къазауатла тохтасынла деб тилек этди. Литургиядан сора Архиерей адетдеча Спасс клисада джыйылгъан джамагъат бла ушакъ этди.