2017 гъэм мэкъуауэгъуэм и 27-м Псыхуабэ, Черкесск щIыналъэхэм я щихънагъ нэхъыщхьэ Феофилакт тхьэлъэIу литургие щригъэкIуэкIащ Псыхуабэ епархием и унэм и Иверскэ члисэм. Щоджэн нэхъыщхьэм къулыкъур драгъэкIуэкIащ Псыхуабэ епархием и Административнэ секретариатым и унафэщI щоджэн Яковенкэ Илиярэ къардэн Ендовицкий Сергийрэ. Щоджэн нэхъыщхьэм и тхьэлъэIум хэтыну къызэхуэсащ епархием и управленэм и лэжьакIуэхэр, Псыхуабэ щыпсэухэр, щIыналъэ лъапIэм Тхьэ елъэIуну кIуахэр. Ектении нэужьым Пастыр нэхъыщхьэр Тхьэ елъэIуащ Украинэмрэ КъуэкIыпIэ Гъунэгъумрэ мамырыгъэ щыIэн папщIэ. Литургиер щызэхуищIыжым, щихънагъ нэхъыщхьэм фIэщхъуныгъэ зиIэхэм узэщIыныгъэкIэ захуигъэзащ.
А махуэм, Псыхуабэ и Спасскэ кафедральнэ члисэ зэхуэхьэсам и щIалэгъуалэ центрым, щихънагъ нэхъыщхьэ Феофилакт щигъэлъэпIащ «За нравственный подвиг учителя» щIыналъэ зэпеуэм пашэ щыхъуахэр. Ставрополь крайм зэхьэзэхуэр илъэс ебгъуанэ хъуауэ щокIуэкI. Мы гъэм зэпеуэм и лауреат, дипломант хъуащ Ставропольем и егъэджакIуэ, егъэджакIуэ гуп 17. Псори зэхэту зэпеуэм и комиссэм лэжьыгъэ 58-рэ ягъэхьащ, патриот, духовнэ-нравстеннэ темэхэр я лъабжьэу.
Пастыр нэхъыщхьэр гуапэу ехъуэхъуащ зэпеуэм пашэ щыхъухаэм икIи егъэджакIуэхэм шыIэныгъэ яхэлъыну, лэжьыгъэщIэхэр къехъулIэну захуигъэзащ. Щихънагъ нэхъыщхьэ Феофилактрэ Ставрополь крайм егъэджэныгъэмрэ щIалэгъуалэ политикэмкIэ и Министерствэмрэ зэпеуэм пашэ щыхъухаэм иратыжащ щIыхь тхылъхэмрэ саугъэт лъапIэхэмрэ. Зэхыхьэр духовнэ музыкэм и концерткIэ зэхуащIыжащ.
Зэпеуэм и Iыхьэ щэкIуэгъуэм Грознэ къалэм щекIуэкIынум, Псыхуабэ и школ №16-м и егъэджакIуэ Семендяевэ Еленэ и лэжьыгъэр ягъэхьащ. Зэхьэзэхуэм пашэ щыхъухаэр етIанэгъэ Москва щIышылэ мазэм щагъэлъэпIэнущ, Дунейпсо Хъуромэ къеджэныгъэхэм хыхьэу.