Быйыл июнь айны 17-де Нарсананы Никольский клисасында , Православ гимназияны тогъузунчу классыны окъуб бошагъанлагъа аттестатла бердиле. Билим алгъанларына шагъатлыкъ берген биринчи документлерин алыргъа ала клисада джыйылдыла. Ашхылыкъ джоралагъан дуаны окъуу учрежденияны директору протоирей Знаменский Иоанн окъуду, джашчыкъла бла къызчыкъла барге аланы ата-аналары , гимназияны устазланы, класс руководителлери Ровенская Клавдия Владимировна эмда джуукъ- тенг да тилекле этдиле. Тилек бошалгъандан сора протоирей Знаменский Иоанн гимназиячылагъа ашхылыкъ джоралай алгъыш сезле айтды. Аны тышында да гимназиячыланы Нарсананы билим берген управлениясыны тамадасы Милохин Александр бла гимназияны Осуйлукъ советини председатели Калугин Валерий да алгъышладыла. Андан сора тогъузунчу классны выпускниклерине аттестала бердиле. Бу къуанч джумушну бошагъандан сора выпускникле кеслерини къуанчларын устазлары бла ата-аналары бла бирге «Знамение» деген культура-джарыкълыкъ аралыкъда бардырдыла. Былайда барын да джылы сезле, татлы хантла, сейирлик конкурсла сакълай эдиле.