2017 гъэм мэкъуауэгъуэм и 12-м, Урысейм и махуэм, Ставрополь и Президент кадет училищэм и кадет ныбжьыщIэхэр Бештау бгым къэкIуащ, абы дэкIын папщIэ. Адэ- анэхэм я лъэIукIэ нэхъ пасэу ахэр къыщыувыIащ Второафонскэ къулъшырыфым. ГъэсакIуэ 20 хъу, илъэс 11-12 зи ныбжь ныбжьыщIэ гупыр, абыхэм я егъэджакIуэхэмрэ адэ-анэхэмрэ ящIыгъуу Ставрополь, Волгоград областым, Краснодар крайм, Дагъыстэн, Къэрэшей-Шэрджэс республикэхэм къикIащ. Абыхэм яIущIащ благочиннэ иеромонах Елевферий (Казаков), экскурсовод нэхъыщхьэ монах Павел (Довбуш).
НыбжьыщIэхэм зыхагъэгъуэзащ къулъшырыфым и тхыдэм, члисэ-тхыдэ музейм, Гъэмахуэ члисэм и утыкум, Тхьэм папщIэ бэлыхь куэд зрагъэшэча, ТекIуэныгъэ къэзыхьа Георгий и цIэр зезыхьэ члисэм зыщаплъыхьащ. А махуэхэм, епархием и «Зелёный Афон» щIалэгъуалэ зэхуэсым и утыкум, гъэсакIуэхэр форумым щыхуагъэхьэзыр курсхэр щекIуэкIащ. ХьэщIэхэр щыIащ зэхуэсым и утыкум. Абыхэм яхутепсэлъыхьащ Тхьэм и нэфI зыщыхуа Кавказым щыщ щIалэгъуалэм захъуэжурэ абы зэрыщыIэм, абы и хабзэхэм, гъэсэныгъэм, тхьэлъэIухэм. ХьэщIэхэр шхапIэм яшащ.
Иеромонах Елевферий хьэщIэхэм къулъшырыфым и щоджэнархимандрит, Псыхуабэ, Черкесск щIыналъэхэм я щихънагъ нэхъыщхьэ Феофилакт и арэзыныгъэкIэ яритащ Тхьэм и Анэм и тхьэнапэхэр, Афон бгым и игумением, къулъшырыфым и сурэтхэр зытет буклетхэр. Ставрополь училищэм и 5 классым щIэсхэм я курсым и унафэщI, полковник Чивильдеев Алексей музейм тыгъэ хуищIащ вымпелрэ Президент кадет училищэм и гъэсэн ныбжьыщIэхэм я спорт ехъулIэныгъэхэм теухуа тхылърэ икIи егъэджэныгъэ IуэхущIапIэм и унафэщIым къыбгъэдэкIыу члисэм и унафэщIымрэ щоджэнхэмрэ фыщIэ яхуищIащ Урысейм и махуэм ирихьэлIэу Кавказ Ищхъэрэм и щIыналъэ лъапIэхэм ящыщ зым Тхьэ щелъэIуну Iэмал къызэрыратам папщIэ.