Псыхуабэ махуэр зэрымыуэфIми емылъытауэ, мэкъуауэгъуэм и 11-м Члисэ зэхуэхьэсам Лермонтовым и пшыхь щекIуэкIащ. Ар къыщызэрагъэпэщащ Спасскэ кафедральнэ члисэ зэхуэхьэсам и ЩIалэгъуалэ центрым. Махуэшхуэм и хьэщIэхэм фIэхъус ярихащ члисэ зэхуэхьэсам и унафэщI, щоджэн Мовчанов Димитрий. Псыхуабэ, Черкесск щIыналъэхэм я щихънагъ нэхъыщхьэ Феофилакт артистхэмрэ зэхуэсахэмрэ хъуэхъу, псалъэ гуапэхэр яжриIащ.
Псыхуабэ къалэм щыпсэухэмрэ абы и хьэщIэхэмрэ я пащхьэм къыщыпсэлъащ къалэм и школхэм я еджакIуэхэмрэ опереттэмкIэ театрым и артистхэмрэ. Регент Кубэ Аннэ зригъакIуэ, Спасскэ кафедральнэ члисэ зэхуэхьэсам и хорым игъэзэщIа уэрэдхэмрэ ромнсхэмрэ зэхуэсахэм ягу дыхьащ. КърихьэлIахэм я IэгуауэмкIэ пшыхьыр зэхуащIыжащ.