Къарачай-малкъар

Къарачай-малкъар (3220)

Быйыл апрель айны 20-да Спасс ара клисаны Джаш телю аралыгъында , Пятигорске КЦСОН –дан кюнлдюзгю кюн тургъан къарт адамла бла сакъатланы белюмюнде пенсионерле бла православ динчини тюбешиую болду. Иерей Дмитрий Пимичев Масих Иссаны Джарыкъ Тиргизилген байрамы бла, Пятигорске бла Черкесскени архиепископу Феофилактны атындан алгъышлауну айтды. Православ динчи джыйылгъанлагъа байрамны юсюнден хапар айтды. Тюбешиунюю андан арысын да, Джарыкъ Пасхагъа джоралаб архиерейли хорну гитче къурамы джырлады. Андан сора джыйылгъанланы аллында «Пятигорске КЦСОН-ну» хору джырлады. Бу коллектив «Молитва» бла «Светлый праздник» деген джырланы джырлады.

Пасха байрамны кюнлеринде Прохладный шахарда Никольский клисаны тамадасы протоирей Маршалкин Андрей, была болушлукъ этген сабий интернат юйде болду. Православ динчи барын да Пасха бла алгъышлаб, байрамны юсюнден хапар айтыб саугъала да берди. Кърал казна учреждения Прохладный сабий интернат=юй республикада эм эскилени бириди. Ол НКВД-ны сабий приемниги болуб 1939-чу джыл ачылгъанды, 1944-чю джылда уа акъыллары айнымагъан- сакъат сабийлеге интернат-юй болгъанды. Интернат, психоневрология ауруулары болгъан 4 джылдан сабийле бла 40 джылгъа социал-реабилитация этер мурат бла ачылгъан эди. Бусагъатда интернатда 90 сакъат сабий джашайды.

Быйыл апрель айны 19-да Сыйлы седмицаны бараз кюнюнде, Пятигорске бла Черкесскени архиепископу Феофилакт Успен Вторафон Бештау эркиши монастырны игумен корпусунда Раббийни Анасыны «Не рыдай мене мати» деген иконасыны клисасында этилген байрамгъа башчылыкъ этди. Бук лиса байрам быйыл Великий Пяток деген байрамгъа тюшгени себебли Уставгъа кере Сыйлы седминцаны барас кюнюне кечюрген эдиле бюгюн этилген клиса байрамны. Архиерейге дин къуллукъ болушлукъну , епархияны Административ секретариатыны тамадасы иерей Яковенко Илия бла динчи дараджада болгъан монастырны насельниклери этдиле. Диакон къуллукъгъа да протоидиакон Куба Димитрий башчылыкъ этди. Байрамда , иеромонах (Казаков) Елевферий башчылыкъ этген монастырны хору джырлады. Архипастырь бла бирге табын этерге башха шахарла бла элледен да адамла келген эдиле. Пасхагъа джораланнган православ джырланы монастырны Георгий клисасында джырладыла. Андан сора динчиле, монастырны дин къарнашлары бла келген паломникле къачлы джюрюш бла игумен корпусдагъа клисагъа барыб, анда Дин къуллукъ этдиле. Ол бошалгъандан сора Владыка православ дин ахлулагъа ауаз берди. Дин къуллукъдан сора Пасхагъа джораланнган къачлы джюрюш Георгий клисагъа къайтды. Байрамны бары да бирден картха тюшюб тамамладыла.

Быйыл апрель айны 17-де Зеленчюк муниципал районну администрациясыны кенгеш залында , район администрацияны тамадасы Самоходкин Сергейни башчылыгъы бла акъыл балыкъ болмагъанланы хакъындан район комиссияны кезюулю джыйлыуу болуб етдю. Комиссияны членлерине , 2017-чи джылны биринчи кварталында Зеленчюк районда аманлыкъ ишлени болумундан эмда аланы бодурмаз джанындан этилген иш» деген тема бла доклад этдиле. Докладны эсеби бла 2016-чы джыл этилген комиссияны ишине багъа берилди. Аны тышында да комиссия быйылны аллында этилген къауум админситратив джаны бла джорукъ бузууну сюзгенди. Район комиссияны ишине Къарачай-Черкесияда Къыбла клиса округну приходларыны джуаблы динчиси протоирей Субтельный Евгений да къошулгъан эди.

Быйыл апрель айны 19-да Иноземцево поселокда орналгъан Дьяков Анатолийни атын джюрютген къазакъла бла Кавказ халкъланы Къыбла-Эресей лицейинде «Успешный опыт воспитания казачьей молодежи. Новации казачьего образования», деген темагъа атаб семинар болуб етдю. Бу семинарны, Терк къазакъ аскер джамагъат бла «Машук 2016» деген Шимал-Кавказ джаш телю форумну болушлукълары бла къурагъандыла. Семинарны ишине, епархия белюмню тамадасы протоирей Фещенко Стефанны башчылыгъы бла епархияны тийресинде къазакъ джамагъатлагъа динчилик этгенледен делегация къошулгъан эди. Анда къазакъ устазла, атаманла бла къазакъла, власт органланы келечилери да селешген эдиле. Прграммагъа : : «Создание системы непрерывного казачьего образования», «Духовно-нравственное окормление и воцерковление казачества», «Просветительская функция средств массовой информации в репрезентации темы казачества» эмда «Казачий компонент в системе дополнительного образования», деген атлары бла пленар кенгеш бла терт секцияда иш киргендиле.

Быйыл апрель айны 19-да Черкесскеде Свято-Сергий гимназиягъа къонакъла келдиле. Билим бериуде сынамны есдюрюй Республиканы институт бла байламлылыкъ джюрютюуню тамалында, гимназиягъа республиканы районларыны школларыны директорлары келдиле.Келген къонакъланы гимназияда къошакъ билим бериуню программасы бла эмда гимназиячыланы джашауларында аны бла бирге сабийлени патриотлукъ сезимлерин есдюрюуде, орус халкъны адетлерин сакълауда къаллай иш этилгени бла шагърей болдула. Андан сора сабийле келгенлени барын да Джарыкъ Пасха байрам бла алгъышлаб концерт кергюздюле. Къонакълагъа гимназиячыла пасха саугъала да бердиле.

Быйыл апрель айны 19-да Кировскийде «Заря» деген акъыл балыкъ болмагъанлагъа социал- реабилитация этген аралыкъда Пасха байрам болуб етдю. Аралыкъны директору сабийлени, келген къонакъланы алгъышлады Воспитанниклери да байрам программа кергюздюле. Ариу макъамлы халкъ джырланы джырлдадыла, къызыу къазакъ тебсеуню да тебседиле. Къызыл боккалы къызчыкъ къарт анасын Пасха бла алгъышларгъа баргъаныны сценкасын кергюздюле. Келген къонакъла сабийлени Джарыкъ Масих Тиргизилген байрам бла алгъышладыла. Новопавловск клиса округну джуаблы православ динчиси иерей Цапко Владислав бла Новопавловск шахарда Раббийни Анасыны Владимир иконасыны клисасыны тамадасы протоирей Назаров Дионисий, сабийлеге уллу сюймекликлери болгъанлары ючюн аралыкъны директору ишчилерине джюрек разылыкъларын билдирдиле. Православ динчиле сабийлеге пасха саугъала бердиле.

Быйыл апрель айны 18-де Джарыкъ седмицаны гюрге кюнюнде Пятигорске бла Черкесскени архиепископу Феофилакт, епархиал юйню Иверский клисасында дин къуллукъгъа башчылыкъ этди. Архиерейге дин къуллукъ болушлукъну, клиса округну джуаблы динчиси протоирей Дубинский Борисни башчылыгъы бла окргуну клисаларыны динчилери этдиле.Диаокон къуллукъгъа да протодиакон Куба Димитрий тамадалыкъ этди. Алтарны гитче къабакъларыны къатында Архипастырь , дин китаб окъууучугъа хиротесия этиб эмда иподиаокон дараджалы, Пятигорск епархияны культура белюмюню тамадасы Стацюк Михаилни этди. Литургиядан сора Владыка къачлы джюрюшге башчылыкъ этиб ызы бла джамагъатха уаз берди. Андан сора фуршет тебси джасалыб алайда Владыка дин къуллукъгъа къошулгъанланы барын да алгъышлады. Ол кюн огъунакъ кече Пятигорске бла Черкесскени архиепископу Феофилакт, правослвав динчиледе эм къарт адамы бла Епархия советни членлери бла, епархия белюмлени тамадалары бла, клиса округнланы джуаблы динчилери бла бирге кечеги сыйлы дин къуллукъ этди.Дин къуллукъда епархияны динчилери да аланы юйдегилери да табын этдиле. Ары андан сора да сестры милосердия бла джаш телю, реабилитацион эмда волонтер аралыкъланы алчылары да келген эдиле табын этерге.Кесини сезюнде Архипастырь , приходлада клирикле баджаргъан ишлери ючюн православ динчилени этген уллу ишлери ючюн таза джюрекден алгъышлады. Епархияны уллу юйдегисини хар бирине да Архиерейден келтюргючлюк боллугъун дачертиб, Тиргизилген Масих Иссадан аланы этген халал ишлерине разылыкъ тиледи. Кечеги дин къуллукъдан сора Владыка, православ динчилени эмда епархияны къуллукъчуларын эмда аланы юйдегилерин архиерейли Пасха приемгъа чакъырды. Кесини динчилерине атаб быллай джыйылыуну Архипастырь джыл сайын бардырады.

Исправна стансени приходу клисагъа къыйын джыллада да джабылмагъанды. Стансени клисасы оюлгъанлыкъгъа, православ дин ахлулу дин къуллукъгъа гитче юйчюкге джыйылыб тургъандыла. Совет джыллада станседе къуллукъ этген православ динчилени эсге тюшюргенлеринден, стансечилеге клиса байрамла бек магъаналы болгъандыла- артыкъда бек Масихни Джарыкъ Тиргизилгени. Исправна станседе бир ашхы адет талайны сакъланыб тургъанды, пасхалы кечеде кличсаны тамадасы Дин къуллукъ бошалгъандан сора арбаз арбазгъа айланыб православ зикирле айтыб чыкъгъанды, андан сора элчиле оразаларындан сора биринчи ашдан ауузланнгандыла. Быйл, стансе клисаны тамадасы иерей Якушев Александр бла Исправнаны администрациясыны башчысы Брыкина Марина ол адетни джангыдан къураргъа умут этгендиле.Стансени ара майданында ауузланыргъа уллу тебсиле къуралгъандыла, Дин къуллукъ бошалгъандан сора стансени джамагъаты бирден олтуруб эртде заманладача туз-дамдан ауузланнгандыла.

Быйыл апрель айны 17-де Ессентюк шахарда Пантелеймон клисаны тамадасы иерей Журавлев Михаил 35-чи номерли сабий юйде болду. Православ динчи пасхагъа дин къуллукъ этиб, сабийлени алгъышлаб, алагъа эмда мекямны белмелерине сыйлы сууну бюркдю. Сабийлеге саугъагъа клисаны тамадасы , клисагъа джюрюген джамагъат джыйгъан куличле бла гакгыланы келтирди.