Богослужебные

Богослужебные (9)

О еже милостивым оком призрети на люди земли Ближневосточный и низпослати им мир и оградити от распри и убийства творящих, молим Тя, Милосердный Господи, услыши и помилуй.

О еже просветити светом Своего богоразумия люди ожесточенный, верныя же Своя укрепити и невредимых соблюсти, молим Тя, Всесильный Творче, услыши и помилуй.

Еще молимся о еже междоусобныя брани, кровопролития, ненависти, вражды и прочая беззакония в земле библейской Ветхаго и Новаго Заветов да прекратятся, истинное же братолюбие и мир да царствуют в людех ея, молим Ти ся, Спасителю наш, услыши и милостивно помилуй.

Иерeй начинaет: Благословeн Бог нaш:

Чтeц: Царю Небесный: Трисвятое. Отче наш: Господи, помилуй, 12 раз. Слава, и ныне: Приидите, поклонимся:

И псалом 26:

Господь просвещение мое и Спаситель мой, кого убоюся? Господь Защититель живота моего, от кого устрашуся? Внегда приближатися на мя злобующым, еже снести плоти моя, оскорбляющии мя, и врази мои, тии изнемогоша и падоша. Аще ополчится на мя полк, не убоится сердце мое, аще востанет на мя брань, на Него аз уповаю. Едино просих от Господа, то взыщу: еже жити ми в дому Господни вся дни живота моего, зрети ми красоту Господню и посещати храм святый Его. Яко скры мя в селении Своем в день зол моих, покры мя в тайне селения Своего, на камень вознесе мя. И ныне се вознесе главу мою, на враги моя: обыдох и пожрох в селении Его жертву хваления и воскликновения, пою и воспою Господеви. Услыши, Господи, глас мой, имже воззвах: помилуй мя и услыши мя. Тебе рече сердце мое: Господа взыщу. Взыска Тебе лице мое, лица Твоего, Господи, взыщу. Не отврати лица Твоего от мене и не уклонися гневом от раба Твоего: помощник мой буди, не отрини мене, и не остави мене, Боже Спасителю мой. Яко отец мой и мати моя остависта мя, Господь же восприят мя. Законоположи ми, Господи, в пути Твоем и настави мя на стезю правую враг моих ради. Не предаждь мене в душы стужающих ми, яко восташа на мя свидетеле неправеднии и солга неправда себе. Верую видети благая Господня на земли живых. Потерпи Господа, мужайся и да крепится сердце твое, и потерпи Господа.

Протодиакон: Благослови Владыко.

Предстоятель: Благословлен Бог наш...

Певцы: Аминь.

Протодиакон: Слава Тебе, Боже наш, слава Тебе

Хор: Царю Небесный...

Протодиакон: Бог Господь и явися нам, благословен Грядый во Имя Господне.

Стих: Исповедайтеся Господеви, яко Благ, яко в век милость Его.

Стих: Обышедше, обыдоша мя, и Именем Господним противляхся им.

Стих: Не умру, но жив буду и повем дела Господня.

Стих: Камень, егоже небрегоша зиждущии, сей бысть во главу угла: от Господа бысть сей и есть дивен во очесах наших.

Хор: Бог Господь: во глас 4й

Таже тропари: Живоначальной Троице, глас 8

Благословен еси, Христе Боже наш, /Иже премудры ловцы явлей, /ниспослав им Духа Святаго, /и теми уловлей вселенную, /Человеколюбче слава Тебе.

Всем святым в земле Российстей просиявшим, глас 8

Якоже плод красный Твоего спасительного сияния, /Земля Русская приносит Ти, Господи, вся святыя, в той просиявшия. /Тех молитвами в мире глубоце /Церковь и страну нашу Богородицею соблюди, Многомилостиве.

Крещения Руси, глас 8

Благословен еси, Христе Боже наш, /Землю Русскую Крещением просветивый, /людем ея низпослав Духа Святаго, /ихже и ко спасению приведый, /Человеколюбче, слава Тебе.

Равноап. кн. Владимиру, глас 4

Уподобился еси купцу ищущему добраго бисера, /славнодержавный Владимире, /на высоте стола седя матере градов, /Богоспасаемаго Киева, /испытуя же и посылая к Царскому граду /уведети православную веру, /обрел еси безценный бисер, Христа, /избравшаго тя, яко втораго Павла, /и оттрясшаго слепоту во святей купели, душевную вкупе и телесную. /Темже празднуем твое успение, людие твои суще: /моли спастися душам нашим.

Запевы: Пресвятая Троице, Боже наш, слава Тебе.

Вси святи земли нашея, молите Бога о нас.

Святый равноапостольный великий княже Владимире, моли Бога о нас.

По запевах прокимен: Вознесох избраннаго от людей Моих...

Стих: Ибо десница Моя заступит его.

Протодиакон: И о сподобитися нам слышанию святаго Евангелия, Господа Бога молим.

Хор: Господи помилуй (трижды).

Предстоятель: От Матфеа святаго Евангелия чтение.

Евангелие от Матфея, 55 зачало.

Хор: Слава Тебе Господи, слава Тебе.

По Евангелии запевы, затем:

Достойно есть, яко воистину, блажити Тя, Богородицу, Присноблаженную и Пренепорочную и Матерь Бога нашего, Честнейшую херувим и Славнейшую без сравнения серафим, без истления Бога Слова рождшую, сущую Богородицу Тя величаем.

Протодиакон: Помилуй нас, Боже, по велицей милости Твоей, молим Ти ся, услыши и помилуй.

Хор (зде и далее): Господи помилуй (трижды).

Еще молимся о великом Господине и Отце нашем Святейшем Патриархе Кирилле и о всей во Христе братии нашей.

Благодаряще со страхом и трепетом, яко раби непотребнии, Твоему благоутробию, Спасе и Владыко наш, Господи, о Твоих благодаяниих, яже излиял еси на Землю нашу от Крещения ея и до ныне, и припадаем, и славословие Тебе, яко Богу, приносим, и умиленно вопием: избави от всех бед люди Твоя и всегда, яко Милостив, исполни во благих прошения наша, прилежно молимся Тебе, услыши и помилуй.

Еще молимся Тебе, Спасителю нашему, чрез благовернаго князя Владимира благоволившему избрати род наш в наследие Свое и в купели Крещения даровати Духа Святаго, о еже Церковь нашу Святую от расколов и нестроений соблюсти, и в единомыслии веры ея утвердити, и миром оградити, услыши и помилуй.

Еще молимся Тебе, Господи Вседержителю, о еже призрети и утвердити виноград сей, егоже насади и сохрани от всех наветов вражиих десница Твоя; и в предняя лета даруй наследию Твоему мир и безмятежие, да не умалится и не поколеблется Русь Святая, юже избрал еси в жилище Себе, да славится Трисвятое Имя Твое, услыши и помилуй.

Давый заповедь Твою нам, еже любити Тебе, Бога нашего, и ближняго своего, сотвори, да ненависти, вражды, обиды и прочая беззакония прекратятся, истинная же любовь да царствует в сердцах наших, молим Ти ся, Спасителю наш, услыши и милостивно помилуй.

Предстоятель: Услыши ны, Боже, Спасителю наш, упование всех концев земли и сущих в мори далече, и милостив, милостив буди, Владыко, о гресех наших, и помилуй ны. Милостив бо и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь.

Протодиакон: Господу помолимся.

Хор: Господи, помилый.

Предстоятель чтет молитву:

Триипостасный Боже, Отче Вседержителю, Сыне Единородный, Спасителю мира, и Душе Святый, просвещаяй и освящаяй племена и народы! Иже и владыку Земли Русския, князя Владимира, к свету истинныя веры наставивый, и тем всю страну нашу Крещением просветивый, и сонмом святых, яко пресветлым звездам, небо Церкве нашея украсившим, возсияти даровавый! И нам, смиренным и недостойным чадом их, ныне предстоящим славе Твоей и благодарственное молебное пение приносящим за вся благодеяния, бывшая на Руси от лет древних и до ныне. Призри на ниву Твою, Церковь Святую, на страны и народы, преемственно воспринявшие веру православную из единой купели Крещения в водах днепровских и ныне приносящих Тебе, якоже прекрасный плод спасительнаго сеяния Слова Твоего, лики святых. Тии бо послужиша людем своим верою, надеждою и любовию, образом слова и жития указующе нам путь к совершенству по заповеди Христовой: будите убо совершени, яко же и Отец ваш Небесный совершен есть. Сохраняюще сие святое наследие их, молимся Тя, Жизнодавче: спаси и помилуй нас, мир миру Твоему даруй и всему созданию Твоему, егоже по грехом нашим сыны века сего погубити тщатся. Вемы бо, яко не хощеши смерти грешников, но еже обратитися и живым им быти; призри на нас, во гресех пребывающих, отврати гнев Твой, праведно движимый на ны, даруй нам покаяние и Твоим неизреченным милосердием помилуй нас. Приими молитвы и труды наша о умножении любве среди всех людей мира сего. Землю нашу огради, власти умудри, вся утеши и умири, Церковь Твою возрасти, достояние Твое соблюди, мужи и жены, и младенцы благодатию просвети, и вся люди Твоя в Православии и благочестии утверди молитвами Пречистыя Твоея Матере, силою Честнаго и Животворящаго Креста и Всех святых, в Земли нашей просиявших, да в единении веры и любве славим Тя, Отца и Сына и Святаго Духа, во веки веков.

Хор: Аминь.

Величаем тя, святый равноапостольный великий княже Владимире, и чтим святую память твою, идолы попавшаго и всю землю Русскую Святым Крещением просветившаго.

Протодиакон: Премудрость.

Священник: Пресвятая Богородице, спаси нас.

Хор: Честнейшую херувим и славнейшую без сравнения серафим, без истления Бога Слова рождшую, сущую Богородицу Тя величаем.

Священник: Слава Тебе, Христе Боже, упование наше, слава Тебе.

Предстоятель: Отпуст

Протодиакон: Великому Господину и Отцу нашему КИРИЛЛУ, Святейшему Патриарху Московскому и всея Руси и Свято-Троицкия Сергиевой Лавры священно-архимандриту, Богохранимей стране нашей, властем, воинству и народам ея, всему освященному собору, благочестия ревнителем и учителем, и всем во Православии Земли нашей подвизающимся словом, писанием, учением и богоугодным житием, и всем православным христианом — многая лета.

Хор: Многая лета...

На сугубой ектении

О еже милостивым оком призрети на люди земли украинския и сотворити ю непреобориму от распри творящих, молим Тя, Милосердый Господи, услыши и помилуй.

О еже просветити светом своего богоразумия мысли ожесточением помраченных, верных же Своих в стране Украинстей укрепити и невредимых соблюсти, молим Тя, Всесильный Творче, услыши и помилуй.

Давый заповедь Твою нам, еже любити Тебе Бога нашего и ближняго своего, сотвори, да ненависти, вражды, обиды, мздоимства, кровопролития и прочая беззакония прекратятся, истинная же любовь да царствует в людех земли украинския, молим Ти ся, Спасителю наш, услыши и милостивно помилуй.

далее молитва:

Всевышний Боже, Владыко и Содетелю всея твари, наполняяй вся величеством Твоим и содержай силою Твоею.

К Тебе Великодаровитому Господу нашему припадаем, сердцем сокрушенным и усердною молитвою о стране Украинстей, распрями и нестроениями раздираемей.

Премилосердый и Всесильный, не до конца гневайся, Господи! Буди милостив нам, молит Тя Твоя Церковь, представляющи Тебе начальника и совершителя спасения нашего Иисуса Христа. Укрепи силою Твоею верныя люди в стране Украинстей, заблуждающим же просвети разумныя очи светом Твоим божественным, да уразумеют Твою истину, умягчи их ожесточение, утоли вражды и нестроения на страну и мирныя люди ея воздвизаемая, да все познают Тебе, Господа и Спасителя нашего. Не отврати лица Твоего от нас, Господи, воздаждь нам радость спасения Твоего. Помяни милости, яже показал еси отцем нашим, преложи гнев Твой на милосердие и даждь помощь Твою народу украинскому, в скорби сущему.

Молит Тя Церковь Русская, представляющи Тебе ходатайство всех святых в ней просиявших, изряднее же Пресвятыя Богородицы и Приснодевы Марии, от лет древних покрывающия и заступающия страны наша. Возгрей сердца наша теплотою благодати Твоея, утверди волю нашу в воли Твоей, да якоже древле, тако и ныне прославится всесвятое имя Твое, Отца и Сына и Святаго Духа, во веки веков.

Аминь.

На заупокойной ектении

Еще молимся о упокоении душ усопших рабов Божиих в братоубийственной смуте на Украине убиенных и о еже проститися им всякому прегрешению вольному же и невольному.

***

"Вся наша многонациональная Церковь горячо молится о мире на земле Украины, о прекращении гражданской распри. Наши братья и сестры на Украине переживают сейчас один из самых драматичных моментов своей истории. От происходящего зависит дальнейшая судьба украинского народа. Пока, слава Богу, приостановлен сценарий гражданской войны. Но такой сценарий еще может реализоваться. Это произойдет, если Господь попустит людям отступить от данных Богом нравственных заповедей и от христианского наследия Украины, если жители Украины отрекутся от уважения к себе, друг к другу и к закону", — из обращения Святейшего Патриарха Московского и всея Руси Кирилла в связи с событиями на Украине.

По благословению Святейшего Патриарха Московского и всея Руси КИРИЛЛА в чин Молебного пения на новолетие 2014 года включены тексты прошений на сугубой ектении и молитва об умножении любви и искоренении ненависти и всякой злобы.

Прошение на сугубой ектении Новогоднего молебна 2013-2014

Еще молимся Тебе, Господу Богу нашему, о еже услышатися гласу моления нашего и молитве и помиловати жителей градов и весей Отечества нашего от злой воли и действа человек, во озлоблении бесовстем пребывающих, и сохранити их невредимых и непреоборимых от всех козней диавольских и всякого злаго обстояния, подати же им здравие с долгоденствием, рцем вси Господи, услыши и помилуй.

Не хотяй смерти грешных, но еже обратитися, и живым им быти, пощади и помилуй болящих рабов Твоих, ураненных от злой воли человек, в помрачении ума пребывающих, исцели болезни, уврачуй страсти душ и телес страждущих рабов Твоих, и якоже Иаирову дщерь от одра болезни воздвигни и здравых сотвори, молим Ти ся, милосердый Господи, услыши и помилуй.

Устроивый мир сей во славу Твою, о еже любити вся творения его божественная, сотвори да и противящиеся Истине Твоей и во озлоблении пребывающия, паки к Тебе да обратятся и истинную веру и любовь да исповедят, молим Ти ся Всесильный Творче, услыши и помилуй.

Не хотяй смерти грешных, но ожидаяй их обращения и покаяния, умири умы и сердца неверием и ожесточением помраченныя, да познают Тебе истиннаго Бога и в правоверии да укрепятся, молим Ти ся Вседаровитый Господи, услыши и помилуй.

Давый заповедь Твою нам, еже любити Тебе Бога нашего и ближняго своего, сотвори, да ненависти, вражды, обиды, мздоимства и прочая беззакония прекратятся, истинная же любовь да царствует в сердцах наших, молим Ти ся, Спасителю наш, услыши и милостивно помилуй.

возглас: Услыши ны Боже, Спасителю наш…

хор: Аминь

далее молитва:

Владыко Господи Боже наш, источниче жизни и бессмертия, всея твари видимыя и невидимыя Содетелю, времена и лета во Своей власти положивый, и управляй всяческая премудрым и всеблагим Твоим промыслом.

К Тебе великодаровитому Господу нашему припадаем, сердцем сокрушенным исповедающе грехи и беззакония наша, имиже прогневах Твое благоутробие и затворихом щедроты Твоя. Сего ради диавольским нападениям и уранениям попустил еси поразити нас.

Премилосердый и Всесильный, не до конца гневайся, Господи! Буди милостив нам, молит Тя Твоя Церковь, представляющи Тебе начальника и совершителя спасения нашего Иисуса Христа. Укрепи нас в правоверии силою Твоею, заблуждающим же просвети разумныя очи светом Твоим божественным, да уразумеют Твою истину, умягчи их ожесточение, утоли вражды и нестроения во Отечестве нашем силою диавольскою воздвизаемая, да вси познают Тебе, Господа и Спасителя нашего.

Не отврати лица Твоего от нас, Господи, воздаждь нам радость спасения Твоего. Помяни милости, яже показал еси отцем нашим, преложи гнев Твой на милосердие и даждь нам помощь в скорби сущим.

Благодарим о щедротах Твоих, яже удивил еси на нас в мимошедшиее время живота нашего, молим Тя Всещедрый Господи! Благослови венец наступающаго лета Твоею благостию.

Спаси Господи и помилуй великого господина и отца нашего Кирилла, Святейшего Патриарха Московскаго и всея Руси и господина нашего Преосвященнаго митрополита (или архиепископа, или епископа) имя рек (егоже есть область).

Умножи дни живота их в непоколебимом здравии и во всех добродетелех преуспеяния им даруй. Подаждь свыше благая Твоя и всем людем Твоим здравие же, спасение и во все благое поспешение. Церковь Твою Святую, град сей и вся грады и страны от всякого злаго обстояния избави, мир и безмятежие тем даруй: Тебе Безначальному Отцу со Единородным Твоим Сыном, Всесвятым и Животворящим Твоим Духом во едином существе славимому Богу, всегда благодарение приносити, и пресвятое имя Твое воспевати да сподобиши.

Слава Тебе Богу, благодателю нашему во веки веков.

хор: Аминь

Священный Синод на заседании 29 мая 2013 года утвердил (журнал № 58) представленный Синодальной богослужебной комиссией текст молитвы святым благоверным Петру и Февронии для включения в богослужебные чинопоследования и прочтения по окончании Божественной литургии в дни памяти святых супругов.

О, велицыи угодницы Божии и предивнии чудотворцы, благовернии княже Петре и княгине Февроние, града Мурома предстатели, честнаго брака хранители и о всех нас усерднии ко Господу молитвенницы!

Вы во дни земнаго жития вашего образ благочестия, христианския любве и верности друг ко другу даже до гроба явили есте и тем законное и благословенное супружество прославили есте.

Сего ради к вам прибегаем и молимся со усердием крепким: принесите за нас, грешных, святыя молитвы ваша ко Господу Богу, и испросите нам вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние*, наипаче же союзом брачным сочетавшимся даруйте молитвами вашими целомудрие, друг ко другу любовь в союзе мира, единомыслие душ и телес, ложе ненаветное, пребывание незазорное, семя долгожизненное, о чадех благодать, домы исполнены благостыни и в жизни вечней неувядаемый венец славы Небесныя.

Ей, чудотворцы святии! Не презрите молитв наших, со умилением вам возносимых, но будите приснии заступницы наши пред Господем и сподобите нас предстательством вашим спасение вечное получити и Царствие Небесное наследовати, да славословим неизреченное человеколюбие Отца и Сына и Святаго Духа, в Троице покланяемаго Бога, во веки веков. Аминь.

----

* если молебен совершается для готовящихся вступить в брак, то молитва читается в следующей редакции:

наипаче же хотящим союзом брачным сочетатися даруйте молитвами вашими целомудрие, друг ко другу верность и любовь в союзе мира, единомыслие душ и телес, пребывание незазорное и в жизни вечней неувядаемый венец славы Небесныя.

Суббота, 14 Сентябрь 2013 14:45

Молитвословия о мире на земле Сирии

Автор

ЕКТЕНИЯ: О еже благословити народы Антиохии, Сирии, Киликии, Месопотамии и всего Востока благостию Своею и утолити вся вражды, нестроения и междоусобныя брани; подати же мирное и благоденственное житие, молим Ти ся, Всеблагий Господи, услыши и помилуй. Господи помилуй!

ИНАЯ ЕКТЕНИЯ: О еже избавити народы Антиохии, Сирии, Киликии, Месопотамии и всего Востока от всякия скорби, беды, гнева и нужды, и от всех врагов, миром и Ангел Своих ополчением оградити, молим Ти ся, Всеблагий Господи, услыши и помилуй. Господи помилуй!

МОЛИТВА: Владыко Человеколюбче, Царю веков и Подателю благих, разрушивший вражду и мир подавший роду человеческому, даруй и ныне мир рабом Твоим всем в землях Антиохии, Сирии, Киликии, Месопотамии и всего Востока живущим, утверди у народов сих друг ко другу любовь, угаси всякую распрю, отъими вся разногласия и соблазны. Подаждь им Господи единомыслие и здравие, огради их от всякия скорби, озлобления и напрасныя смерти, укроти всякую вражду и злобу, действом диавола воздвизаемую.

Водрузи, Господи, в сих землях мир, молитвами Всесвятыя Богородицы, святых первоверховных апостолов Петра и Павла, святителя Иоанна Златоустого, преподобных Илариона Великого, Иоанна Дамаскина, Иоанна Лествичника, Ефрема Сирина, Симеона Столпника и всех святых. Яко Ты еси мир наш и Тебе славу возсылаем, Отцу и Сыну и Святому Духу, ныне и присно и во веки веков. Аминь.

 

1 Тхьэмахуэ махуиблым и япэ махуэм[1], нэхулъэ къищӀа къу- дейуэ, бзылъхугъэхэр кхъэлэгъунэм кӀуащ, ягъэхьэзырауэ щыта дагъэхэр яӀыгъыу. 2 Щынэсым, кхъэлэгъунэм Ӏугъэу- кӀурияуэ Ӏулъа мывэшхуэр Ӏумылъыжу ирихьэлӀащ. 3 Кхъэлэ- гъунэм щыщӀыхьэм, Зиусхьэн Хьисэ и хьэдэр абы щӀэлъу ягъуэтакъым. 4 Къэхъуар къагурымыӀуэу здэщытым, я пащ- хьэм цӀыхухъуитӀ напӀэзыпэм къиуващ, зэщӀэлыдэ щыгъын- кӀэ хуэпауэ. 5 Бзылъхугъэхэр шынауэ, я щхьэхэр щрагъэзы- хым, цӀыхухъуитӀым мыпхуэдэу жаӀащ:

— Сыт псэур лӀахэм я деж къыщӀыщыфлъыхъуэр? 6 Ар мыбы щӀэлъыжкъым, лӀахэм къахэтэджыкӀыжащ. Гэлилейм щыщыӀам Абы къывжиӀауэ щытакъэ 7 ЦӀыхум и Къуэр гуэ- ныхьлыхэм ӀэщӀалъхьэн, жорым ираӀулӀын зэрыхуейр икӀи ещанэ махуэм лӀахэм къазэрыхэтэджыкӀыжынур?

8 Хьисэ апхуэдэу жиӀауэ зэрыщытар абыхэм ягу къэкӀы- жащ. 9 Арати, абыхэм ягъэзэжри, Хьисэ и гъэсэн пщыкӀузми абыхэм я гъусэхэми псори хуаӀуэтэжащ. 10 А бзылъхугъэхэм я цӀэхэр мыращ: Магдалэ жылэм щыщ Мэрям, Иухьанэ, Екъуб и анэ Мэрям, нэгъуэщӀхэри. Ахэращ Хьисэ и лӀыкӀуэхэм къэхъуар яхуэзыӀуэтэжар. 11 АрщхьэкӀэ абыхэм я псалъэм къикӀ щымыӀэу къалъытащ мыдрейхэм, я фӀэщи хъуакъым. 12 Ауэ Питрэс къэтэджри, кхъэлэгъунэм жащ. Зригъэзыхыу щыщӀэплъэм, джэбын фӀэкӀа зыри илъэгъуакъым. ИтӀанэ къэхъуар игъэщӀагъуэу, къыӀукӀыжащ.



[1] Тхьэмахуэ махуиблым и япэ махуэм — ди нобэрей тхьэмахуэ махуэрщ.

Священный Синод в заседании 29 мая 2013 утвердил (журнал № 58) представленный Синодальной богослужебной комиссией текст молитвы святым благоверным Петру и Февронии для включения в богослужебные чинопоследования и прочтения по окончании Божественной литургии в дни памяти святых супругов.

О, велицыи угодницы Божии и предивнии чудотворцы, благовернии княже Петре и княгине Февроние, града Мурома предстатели, честнаго брака хранители и о всех нас усерднии ко Господу молитвенницы!

Вы во дни земнаго жития вашего образ благочестия, христианския любве и верности друг ко другу даже до гроба явили есте и тем законное и благословенное супружество прославили есте.

Сего ради к вам прибегаем и молимся со усердием крепким: принесите за нас, грешных, святыя молитвы ваша ко Господу Богу, и испросите нам вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние*, наипаче же союзом брачным сочетавшимся даруйте молитвами вашими целомудрие, друг ко другу любовь в союзе мира, единомыслие душ и телес, ложе ненаветное, пребывание незазорное, семя долгожизненное, о чадех благодать, домы исполнены благостыни и в жизни вечней неувядаемый венец славы Небесныя.

Ей, чудотворцы святии! Не презрите молитв наших, со умилением вам возносимых, но будите приснии заступницы наши пред Господем и сподобите нас предстательством вашим спасение вечное получити и Царствие Небесное наследовати, да славословим неизреченное человеколюбие Отца и Сына и Святаго Духа, в Троице покланяемаго Бога, во веки веков. Аминь.

---

* если молебен совершается для готовящихся вступить в брак, то молитва читается в следующей редакции:

наипаче же хотящим союзом брачным сочетатися даруйте молитвами вашими целомудрие, друг ко другу верность и любовь в союзе мира, единомыслие душ и телес, пребывание незазорное и в жизни вечней неувядаемый венец славы Небесныя.