Пятница, 19 Май 2017 14:02

Новопавловскеде къазакъ конкурс башланды.

Автор 
Прочитано 32 раз
 

Быйыл май айны 17-де Новопавловск шахарда адет болуб бошагъан «Казачьему роду - нет переводу» деген конкурс башланды.Бу конкурс 19-чу кере болуб бардырылады. Эришиулеге къошулургъа деб 25 команда келгенди. Конкурсну ачылгъан церемониясын, Ковальчук Иван башчылыкъ этген «Станичники» деген ансамбль ариу халда ачды. Конкурсха къошулгъан джаш къазакъланы, Киров муниципал районну администрациясыны тамадасы Лукинов Владимир, Новопавловск шахарны башчысы Змиевский Анатолий, Ставрополь округ къазакъ джамагъатны атаманы Журавский Александр бла Павлов къазакъ джамагъатны атаманы Роговой Владимир алгъышладыла. Новопавловск клиса окргуну джуаблы динчиси иерей Цапко Владислав чертгенден, бу ашхы ишни аллы бла ахыры уллу къыйын салыб кюрешгенлерини магъанасы барды. Бу ашхы ишле болгъанлары ючюн Аллахдан тилек этигиз деб чакъырыу этиб, православ динчи джаш адамлагъа. Бир-бирине билеклик эте сайлаб барлыкъ джоллары чырмаусуз болусун деб ашхы джорала этди. Павловск стансени къурагъан къазакълагъа салыннган эсгертмеге гокгала салыб къуанч маршдан сора джаш къазакъла конкурс заданияларын этерге Старопавлов стансеге атландыла.

Авторизуйтесь, чтобы получить возможность оставлять комментарии