Четверг, 18 Май 2017 06:58

«Пасхальная радость» деген акция тамамланды.

Автор 
Прочитано 24 раз
 

Быйыл май айны 15-де «Солнечный городок» деген епархия аралыкъда, «Пасхальная радость» деген епархияны суаблыкъ акциясы тамамланды. Ол Пятигорск епархияда джыл сайын Джарыкъ Пасханы аллы бла башланады. Акцияны баш нюзюрю- саулукъларында къыяулары болгъан сабийлеге эмда джаш телюге болушлукъ этиудю. Ол акциягъа келтюргючлюкню, кеси архиепископ Феофилакт бла шахарны мэри Некристов Александр эмда епархияны клисаларыны динчилери бла джамагъаты аны бла бирге Ессентюк шахарны администрациясы да этгендиле. «Пасхальная радость» дегеннни бардырыргъа, шахар школланы сохталары балабакъланы сабийлери эмда Пятигорск къарал университетни студентлери бла КЭСП – ны сохталары уллу болушлукъ этгендиле. Сабийле кеслерича эмда ата-аналары, устазлары бла бирге «Солнечный городок» дегеннге , азыкъла, гигиена керекле, оюнчакъла, шоколадчыкъла, кийимле келтиргендиле. Нек дегенде, саулукъларында къыяулары болгъан кеслери тенглилеге Джарыкъ Пасха кюнледе болушлукъ этерча. Абадан классланы сохталары да аралыкъда тургъан анала да уллу разылыкълары бла волонтерла болуб, келген гуманитар болушлукъну айырыб джыяргъа болушдула. Бютеу келген затны, заман болджаалы кетгени бла къалгъанын кесгин тинтиб баргъандыла.Бютеу да саулукъларында къыяулары болгъан 913 сабийге этилгенди. Ала бары да епархияны башха шахарларындан эллеринден эмда саулукъларында къыяулары болгъан епархияны коррекцион школ-интернатларында окъугъан, коррекцион балабакълагъа джюрюген эмда коррекцион училищеде окъугъан сабийле джаш адамладыла. Акциягъа дагъыда Ессентюк благочинияды милосердия эгечликни келечилери «Наследие» деген православ джаш телю аралыкъны келечилери да къошулгъандыла. Эки ай чакълы бирни «Солнечный городокда» дежурство бардырылгъанды. Келген болушлукъну джазыб барыргъа журналлада къуралгъандыла. «Пасхальная радость» деген акция баргъан кезюуге ачха болушлукъ да джыйылгъанды, анга да «Солнечный городокга» эки кондиционер бла проектор алыб салгъандыла. Акция сабийлени джюреклерие уллу разылыкъ табдыргъанды. Гуманитар болушлукъ джарашдырыргъа абадан классланы сохталары уллула бла бирге сюйюб келе эдиле. Муну къурагъанла, талай адамдан разылыкъ табхандыла.

Авторизуйтесь, чтобы получить возможность оставлять комментарии