Среда, 19 Апрель 2017 08:10

Щихънагъ нэхъыщхьэ Феофилакт сабий литургиер Кисловодск щригъэкIуэкIащ

Автор 
Прочитано 7 раз
 

2017 гъэм мэлыжьыхьым и блыщхьэм, Псыхуабэ, Черкесск щIыналъэхэм я щихънагъ нэхъыщхьэ Феофилакт Кисловодск и Никольскэ члисэ зэхуэхьэсам сабий тхьэлъэIу литургие щригъэкIуэкIащ. Щихънагъ нэхъыщхьэм къулыкъур драгъэкIуэкIащ члисэ зэхуэхьэсам и клирикхэмрэ къалэм и екIуэлIапIэхэм я унафэщIхэм Кисловодск члисэ округым и екIуэлIапIэхэм я благочиннэ щоджэн нэхъыжь Знаменский Иоанн я гъусэу. Къардэн къулыкъур иригъэкIуэкIащ къардэн нэхъыжь Кубэ Димитрий. ТхьэлъэIу уэрэдхэр жиIащ Свято-Сергиевскэ гимназием и хорым. Литургием тхьэ щелъэIуащ икIи Христос и щэхухэм зыщыхагъэгъуэзащ еджакIуэхэмрэ егъэджакIуэхэмрэ. Ектении нэужьым Пастыр нэхъыщхьэр Тхьэ елъэIуащ Украинэмрэ КъуэкIыпIэ Гъунэгъумрэ мамырыгъэ щыIэн папщIэ. Литургие нэужьым Щихънагъ нэхъыщхьэм зэгъусэ тхьэлъэIур иригъэкIуэкIащ. ИужькIэ щихънагъ нэхъыщхьэм къехъуэхъуащ гимназием и унафэщIымрэ и гъэсэнхэмрэ. Пастыр нэхъыщхьэм къызэхуэсахэм хъуэхъукIэ захуигъэзащ икIи дэтхэнэ зыми IутIыж саугъэт тыгъэ хуищIащ. ТхьэлъэIум хэтахэм зэгъусэу сурэт зытрагъэхащ. Абы Свято-Сергиевскэ гимназием щыпащащ, IутIыж сабий концерт щекIуэкIам. Гимназием и гъэсэнхэм уэрэдхэмрэ усэхэмрэ жаIащ. Щихънагъ нэхъыщхьэр къалэ школхэм я унафэщIхэм, гимназием и егъэджакIуэхэм, члисэ зэхуэхьэсам и «Знамение» щэнхабзэ- узэщIыныгъэ центрым и лэжьакIуэхэм епсэлъащ. IутIыж Iэнэм псори ирагъэблэгъащ.

Авторизуйтесь, чтобы получить возможность оставлять комментарии