Четверг, 16 Март 2017 07:12

Щихънагъ нэхъыщхьэ Феофилакт щоджэн нэхъыжь Агеев Илия и кхъащхьэм деж тхьэлъэIу щригъэкIуэкIащ

Автор 
Прочитано 11 раз
 

 2017 гъэм гъатхэпэм и 11-м, НэщI Иным и етIуанэ тхьэмахуэм и щэбэтым, Псыхуабэ, Черкесск щIыналъэхэм я щихънагъ нэхъыщхьэ Феофилакт Ленинскэ къуажэм (Красный Узел) и Михайловскэ члисэм тхьэлъэIу литургиер щригъэкIуэкIащ. Щоджэн нэхъыщхьэм къулыкъур драгъэкIуэкIащ: епархием и Административнэ секретариатым и унафэщI щоджэн Яковенкэ Илия, Минераловодскэ члисэ округым и екIуэлIапIэхэм я благочиннэм и дэIэпыкъуэгъу щоджэн нэхъыжь Панасенкэ Алексий, члисэм и унафэщI щоджэн нэхъыжь Беляев Сергий, Минводы и Покров члисэ зэхуэхьэсам и клирик щоджэн Бунтин Вадим. Къардэн къулыкъур иригъэкIуэкIащ щоджэн нэхъыжь Кубэ Димитрий. Ектении нэужьым Пастыр нэхъыщхьэр Тхьэ елъэIуащ Украинэмрэ КъуэкIыпIэ Гъунэгъумрэ мамырыгъэ щыIэн папщIэ. Литургие нэужьым Щихънагъ нэхъыщхьэм фIэщхъуныгъэ зиIэхэм узэщIыныгъэкIэ захуигъэзащ. ИужькIэ Щихънагъ нэхъыщхьэм къулыкъур иригъэкIуэкIащ. А махуэм, Минводы и Покров члисэ зэхуэхьэсам, щихънагъ нэхъыщхьэ Феофилакт члисэ зэхуэхьэсам и унафэщI дунейм ехыжа, Минводы члисэ округым и екIуэлIапIэхэм я благочиннэ щоджэн нэхъыжь Агеев Илия и тхьэлъэIур иригъэкIуэкIащ. Пастыр нэхъыщхьэм дунейм ехыжар иужьрей гъуэгуанэ тригъэувэжащ. А махуэм и пщыхьэщхьэм щоджэн нэхъыщхьэм Псыхуабэ и Спасскэ кафедральнэ члисэ зэхуэхьэсам тхьэлъэIу щригъэкIуэкIащ. Хабзэ зэрыхъуауэ Пастыр нэхъыщхьэм фIэщхъуныгъэ зиIэхэм дагъэ лъапIэм щыщ ящихуащ.

Авторизуйтесь, чтобы получить возможность оставлять комментарии