Среда, 15 Март 2017 08:31

Щоджэн нэхъыжь Лиманов Гермоген щоджэн нэхъыщхьэм и щIыхь тхылъыр иратащ

Автор 
Прочитано 40 раз
 

Кисловодск и Крестовоздвиженскэ члисэм округым и щоджэнхэм гуэныхьхэр Iуэтэжыным и щэхухэм щрагъэжьащ. Округым и благочиннэ щоджэн нэхъыжь Знаменский Иоанн щоджэнхэм Псыхуабэ, Черкесск щIыналъэхэм я щихънагъ нэхъыщхьэ Феофилакт и хъуэхъухэр ялъигъэIэсащ. Щоджэн нэхъыжь Лиманов Гермоген щоджэнхэм захуигъэзащ щоджэн нэхъыжь Остапов Алексий и «Пастырская эстетика» тхылъым щыщ пычыгъуэкIэ. Гуэныхьхэр Iуэтэжыным ирихьэлIэу, щоджэнхэм тхьэлъэIу ирагъэкIуэкIащ Крестовоздвиженскэ члисм и япэ унафэщIу щыта щоджэн нэхъыжь Лиманов Сергийрэ, Псыхуабэ, Черкесск епархием и пресс-секретару щыта Бронский Евгенийрэ папщIэ. ИужькIэ щоджэнхэм Литургие ирагъэкIуэкIащ. Щоджэнхэр щоджэным ехъуэхъуащ илъэс 65-рэ зэрырикъуамрэ мелыIычхэм я махуэмрэ папщIэ. Округым и благочиннэм зи юбилейр зыгъэлъапIэм Псыхуабэ, Черкесск щIыналъэхэм я щихънагъ нэхъыщхьэ Феофилакт къыбгъэдэкI хъуэхъур икIи щихънагъ нэхъыщхьэм и щIыхь тхылъыр иритащ. Щоджэнхэм я цIэкIэ благочиннэм Гермоген иритащ тхьэлъэIу жорыр. Щоджэнхэм гуапэу зи юбилейр зыгъэлъапIэм ехъуэхъуащ, узыншагъэ, ехъулIэныгъэ иIэну, Члисэм хуэлэжьэну. ТхьэлъэIу нэужьым округым и зэхуэс екIуэкIащ. Щоджэнхэр тепсэлъыхьащ Урыс Чристэн Члисэм и Межсоборнэ Присутствием и «Акафист в молитвенной жизни Церкви» и «Профессии, совместимые и не совместимые со священством» проектхэм. Псыхуабэ, Черкесск щIыналъэхэм я щихънагъ нэхъыщхьэ Феофилакт «Чристэн унагъуэ» саугъэтыр зыхуагъэфэщэнухэм щытепсэлъыхьащ. Благочиннэм социальнэ къулыкъу щIэнымкIэ и дэIэпыкъуэгъу щоджэн Чеканов Борис округым и екIуэлIапIэхэм Патриарх Кирилл къыхилъхьа Iуэхур дэIыгъыным теухуа «За жизнь» тхыгъэм и Iэ щIэдзхэр зэхуихьэсыну пщэрылъ щащIащ. Апхуэдэу къагъэлъэгъуащ Кавказ Ищхъэрэм члисэ социальнэ Iуэхутхьэбзэхэр щыщIэнымкIэ и япэ конференцым благочиннэм къыбгъэдэкIыу хэтынухэм. Ар теухуащ ныкъуэдыкъуэхэм зэрадэлэжьэнум. Зэхыхьэр гъатхэпэм и 15-м ЕссэнтIыгу къалэм щекIуэкIынущ. ЗэIущIэр и кIэм щынэблагъэм, унафэщIхэм ягу къигъэкIыжащ «Чристэн жэрдэм» зэпеуэм и мыхьэнэр зыхуэдэр.

Авторизуйтесь, чтобы получить возможность оставлять комментарии