Среда, 15 Март 2017 08:24

Предгорнэ районым и ветеранхэм щоджэным фIыщIэ хуащIащ

Автор 
Прочитано 40 раз
 

2017 гъэм гъатхэпэм и 10-м Предгорнэ районым и ЕссэнтIыгу станицэм Пленум щекIуэкIащ, Ставрополь крайм и Предгорнэ районым и Iэгъуэблагъуэм ветеран зэщIэхъееныгъэр къызэрызэщрагъэпэщрэ илъэс 30 зэрырикъум и щIыхькIэ. ЗэIущIэм хэтащ ветеранхэм я советым и унафэщI, Ставрополь крайм и Думэм и депутат Гоноченкэ Алексей, район, къуажэ ветеран зэгухьэныгъэхэм я унафэщIхэр, Предгорнэ муниципальнэ районым и администрацэм и Iэтащхьэхэр, къуажэ администрацэхэм я унафэщIхэр, Хэку зауэшхуэм и ветеранхэр, ветеран зэщIэхъееныгъэм жыджэру хэтхэр. Зэхыхьэм къыщаIэтыну Iуэхугъуэхэм тепсэлъыхьа нэужь, щIыналъэм и втеранхэм я Советым и унафэщIым я ныбжьэгъухэм саугъэтхэр иритащ, медалхэр, щIыхь дамыгъэхэр. Абы и псалъэм къыхигъэщащ чристэн члисэм жыджэру дэлэжьэн зэрыхуейр икIи щапхъэу къихьащ Предгорнэ районым и Новоблагодарнэ къуажэм пыщIэныгъэ зэрыхуиIэр. Къуажэ екIуэлIапIэм и унафэщIыр щоджэн Углов Сергийщ. Зэгъусэу зэрызэдэлажьэм зыужьыныгъэхэр къыдэкIуащ. Новоблагодарнэ къуажэм и Покров члисэм и унафэщIым ветеранхэм я Советым и унафэщIым и цIэкIэ дяпэкIи зэдэлэжьэну зэрыщыгугъыр къыхигъэщащ икIи щIэблэм Хэкур фIыуэ ялъагъуу къэгъэхъуным хэлъхьэныгъэ хуащIыну я мурадщ.

Авторизуйтесь, чтобы получить возможность оставлять комментарии